Mootummaan tajaajiila fayyaa qulqullina qabu lammiileen gahuuf kutannoon hojjechaa jira-Ministira Maqdas Dhaabaa

Bitootessa 18/2017(TOI)- Mootummaan tajaajiila fayyaa qulqullina qabu lammiileen gahuuf kutannoon hojjechaa jira jechuun ibsan Ministirri Fayyaa Dr. Maqdas Dhaabaa.

Ministirri Fayyaa Dr. Maqdas Dhaabaa Itiyoophiyaatti sirna Fayyaa qaqqabamaa fi egeree Itiyoophiyaatti ijaaruun haala danda’amurratti jila mana barumsaa digirii lammaffaa Istaanfoord Ameerikaa waliin mari’ataniiru.

Marii Kanaan keessumaa carraaqqii Fayyaa haadholii fi daa’immanii fooyyessuuf taasifamu akkasumas sirna Fayyaa Cimaa uumuuf hojii hojjetamaa jiru ilaalchisee ministirittiin ibsuusaanii odeeffannoon ministeerichaa nimul’isa.

Mootummaan qaqqabama tajaajila Fayyaa qulqullina qabu fooyyessuuf kutannoo qabus ministir Dr. Maqdas Dhaabaan ibsaniiruuf.

Dabalataanis caaseffama sirna eegumsa Fayyaa Itiyoophiyaa ilaalchisuun karoora sadarkaawwan kenniinsa tajaajilaa cimsuurratti xiyyeeffatan jila kanaaf tokko tokkoon ibsuunsaanii himameera.

Akkasumas barbaachisummaa sagantaalee fayyaa hawaasaa fi eegumsa fayyaa biyyattiitti fooyyessa gochuuf kaka’umsa jiru ibsuunsaanii odeeffannoo Kanaan ibsameera.

Miseensonni jila kanaa gamasaaniin tajaajila dhiheessii dawaa Itiyoophiyaa fi dhaabbilee eegumsa fayyaa biroo daawwachuun babal’achuu bu’ura misoomaa Fayyaa biyyattii hubachuusaanii ibsuunsaanii eerameera.