Rakkoo Geejjibaa magaalaa Finfinnee furuuf konkolaattonni elektiriikii dhibba tokko hojii jalqabuufi

Bitootessa 18/2017(TOI)- Rakkoo Geejjibaa wayittii hojiin galamuu fi hojii bahamu magaalaa Finfinneetti mul’atu furuuf konkolaattonni elektiriikii dhibba tokko dhiheenya hojii akka jalqaban biiroon Geejjibaa Finfinnee Beeksise.

Biirichi rakkoo Geejjibaa wayittii hojiin galamuu fi hojii bahamu magaalaa Finfinneetti mul’atu furuuf hojiilee hedduun hojjetamaa jiraachuun ibsameera.

Itti aanaan hoogganaa biiroo Geejjibaa Finfinnee Asmaroom Birhaanee TOI’tti akka himanitti, biirichi rakkoo geejjibaa magaalichaa furuuf xiyyeeffatee hojjechaa jira.

Konkolaattota tajaajilaa ala ta’anii turan suphuun hojiitti akka galan gochuun dhiheessii fooyyessuuf hojjetamuu dubbataniiru.

Bakkeewwan hiriirri dheeraan mul’atanitti konkolaattota bobba’an sirreessaa akka jiruibaniiru.

Tajaajila Geejjibaa mijeessuuf qaamolee damee kana deeggaruu danda’an qindoominaan hojjetamaa akka jiruitti aanaan hoogganaa Biiroo kun eeraniiru.