Baankiin daldala Itiyoophiyaa Maastar Kaardii kafaltii duraa idil addunyaa ifoomse

Bitootessa 18/2017(TOI)- Baankiin daldala Itiyoophiyaa Maastar Kaardii kafaltii duraa pilaastikii fi verchuwaalii idil addunyaa ifoomseera.

Baankiin daldala Itiyoophiyaa dhaabbata kaffaltii idil addunyaa  Maastar Kaardii waliin ta’uun sirna kaffaltii duraa jalqabsiiseera.

Pirezidaantiin baankii daldala Itiyoophiyaa Abbe Saanoo, Pirezidaantiin Maastar Kaardii Afriikaa Maark Eliiyotiin dabalatee hooggantoonni olaanoo baankii daldalaa fi Maastar Kaardii sirna ifoomsuu kanarratti argamaniiru.

Pirezidaantiin baankii daldala Itiyoophiyaa Abbe Saanoo wayita kana akka ibsanitti, baankichi dijitaal teeknooloojii guddisuun tajaajila ammayyeessaa jira.

Maastar Kaardiin Kaffaltii duraa kun tajaajila dijitaalaa baankichaa caalaatti akka ammayyeessu beeksisaniiru.

Pirezidaantiin Maastar Kaardii Afriikaa Maark Eliiyoot gamasaaniin, tajaajilli dijitaalaa baankiin daldala Itiyoophiyaa jalqabsiise tajaajila idil addunyaa caalaatti kan si’achiisu ta’uu kaasaniiru.

Fuulduratti Maastar Kaardiin baankicha waliin dijitaal teeknooloojii guddisuuf akka hojjetu dubbataniiru.

Tajaajila Oduu Itiyoophiyaa
2015