Fayyadama dinagdee Dubartoota jiddugalichatti leenji’anii guddisuuf deeggarsi nitaasifama

Bitootessa 18/2017(TOI)- Fayyadama dinagdee Dubartoota jiddugalichatti leenji’anii guddisuuf ministeerichaan deeggarsi nitaasifama jedhan ministirri hojii fi ogummaa Mufarihaat Kaamil ibsan.

Ministir Mufarihaat Kaamil gaggeessitoota jiddugala haaromsa dubartootaa fi ogummaa guddisuu “boruuf” waliin mari’ataniiru.

Waltajjii maree fayyadamummaa dubartoota jiddugalichatti leenji’anii guddisuurratti xiyyeeffate kanaa irratti daarektarri olaanaa jiddugalichaa Dr. Hirphasaa Caalaa fi ittaantuu daarektara olaanaa Dr. Elshaadaay Kiflee argamaniiru.
 

Ministir Mufarihaat Kaamil marii kanarratti akka ibsanitti, dubartoonni jiddugalichatti leenji’an ogummaa gabaan barbaadu akka horatan gochuun fayyadama dinagdeesaanii guddisuuf nihojjetama.

carraalee misooma ogummaa fi carraa hojii uumuun jiran akka fayyadaman gochuun gamatti dandeettiin jiddugalichaa itti fufiinsaan akka guddatu ministeerichi deeggarsa barbaachisu nitaasisa jechuusaanii odeeffannoon miisteerichaa nimul’isa.