Komishiniin Invastimantii Itiyoophiyaa fi Tajaajilli Oauu Itiyoophiyaa waliigaltee mallatteessan

Bitootessa 18/2017(TOI)- Komishiniin Invastimantii Itiyoophiyaa fi Tajaajilli Oauu Itiyoophiyaa waliigaltee mallatteessan.

Komishinariinkomishinii Invastimantii Itiyoophiyaa Dr. Zallaqaa Tamasgeen fi hojii raawwachiisaan olaanaa Tajaajila oduu Itiyoophiyaa Saayifee Darribee waliigalticha mallatteessaniiru.

Waliigaltichi tumsa miidiyaa Invastimantii kakaasu fi invastimantii idil addunyaa Itiyoophiyaa cimsuuf kan akeekame akka ta’e ibsameera.

Komishinariinkomishinii Invastimantii Itiyoophiyaa Dr. Zallaqaa Tamasgeen wayita kana akka jedhanitti, komishinichi cehumsa dinagdee Itiyoophiyaa gama gaggeessuutiin shoora guddaa akka qabaatu ibsaniiru.

Komishinichi carraalee invastimantii biyyattii beeksisuun hojiisaa adda duree ta’uu dubbataniiru.

Mootummaan Invastimantiif haala mijataa uumuun hojiilee hedduu hojjechuusaa himaniiru.

Akkasumas pirojektoota invastimantii sektaroota garagaraan hojii keessa galanxiyyeeffatee deeggaraa fi hordofaa akka jiru eeraniiru.

Hojiilee kanneen sirnaan beeksisuuf hariiroon miidiyaa murteessaa ta’uu ibsanii, waliigaltichi dandeettii jiran gargaaramuuf kan gargaaru ta’uu dubbataniiru.

Tajaajilli Oduu Itiyoophiyaa odeeffannoowwan Invastimantii beekumsa ogummaa fi qulqullinaan qaqqabamaa taasisuun adda duree ta’uusaa kaasanii, atoi waliin hojjechuusaniitti gammaduu ibsaniiru.

Hojii raawwachiisaan olaanaa Tajaajila Oduu Itiyoophiyaa Seeyifee Darribee Gamasaaniin, waliigaltichi Itiyoophiyaan Invatimaniin filatamtuu ta’uushee bal’isuuf akka carraa guddaatti fudhatama jedhaniiru.

Tajaajilichi abjuun komishinichaa akka dhugooman oduu fi gabaasaan beeksisuun qoodasaa akka bahu mirkaneessaniiru.

Carraalee Invastimantii Itiyoophiyaan qabdu, haala mijataa uumaman, fi hojiilee hojjetamaa jirn afaan biyya keessaa fi biyya alaatiin akka gabaasu ibsaniiru.