Jalbultiin ayyaana Fiichee Cambalaalaa sirni “Fixaaraa” qophiilee garagaraan Hawaasaatti kabajamaa jira

Bitootessa 18/2017 (TOI) – Jalbultiin Ayyaana jiijjiirama bara haaraa Sidaamaa Fiichee Cambalaalaa sirni “Fixaaraa” qophiilee garagaraan magaalaa Hawaasaa galma aadaa Sidaamaatti kabajamaa jira.

Barreeffamni qu’annoo duudhaalee Fiichee Cambalaalaa irratti xiyyeeffate sirna jalbultii “Fixaaraa” irratti hayyootaan dhihaatee akka mari’atamu beekameera.

Bulchaan naannoo Sidaamaa Obbo Dastaa Leedaamoo fi af-yaa’iinmana maree naannoo Sidaamaa Faantaayee Kabbadaa sirnicharratti argamaniiru.

Dabalataanis hooggantoonni mootummaa olaanoo biroon, abbootiin Gadaa, Haadholiin Siinqee akkasumas keessummoonni waamaman hirmaachaa jiru.

Ayyaanni Cambalaalaa bara jijjiirama haaraa Sidaamaa ibsituu waloomaa fi tokkummaa ta’e kun boru barii irraa eegalee Hawaasaa Sooressaa Gudumaalleetti nikabajama.