Obbo Adam Faaraah ayyaana Fiichee Cambalaa ilaalchisuun ergaa baga geessanii dabarsan

Bitootessa 18/2017(TOI)-Sadarkaa itti aanaa ministira muummeetti hoogganaan jiddugala qindeessaa ijaarsa sirna demokiraasii Obbo Adam Faaraah ayyaana Fiichee Cambalaa ilaalchisuun ergaa baga geessanii dabarsaniiru.

Ummanni naannoo Sidaamaa abbaa aadaa dinqisiisaa kan ta’e lakkoofsa yeroo kan mataasaa irratti hundaa’ee ayyaanni kabaju kun barA jijjiiruun gamatti abdii, haaromuu, ifooma kan itti hidhatu , gammachuu bara haaraa barraaqa guyyaa ifaati jedhan.

Ayyaanni Galata, jaalala, tokkummaa, araara, nagaa, tolummaa firii iddoon guddaan kennamuuf kanarratti kan waldhabe kan itti araaramu, kan gargar bahe kan itti walitti dhufu, ayyaana ibsituu waloomaa fi sabdaneessummaati jechuun fuula marsariitii isaaniirratti barreessaniiru.

Akka Paartii Badhaadhinaatti fuulduraaf Ayyaanichi kana caalaa duudhaasaa eegee akka kabajamu deeggarsa barbaachisaa gochuuf akkasumas duudhaaleen ayyaanichaa tokkummaa fi sabdaneessummaa biyyaaf humna dabalataa akka ta’an cimsinee hojjechuu akka itti fufnu carraa Kanaan ibsuun barbaada jedhan.

Irra deebi’uun baga ayyaana Fiichee Cambalaalaa baga isin gahe nugahe kan jedhan obbo Adam, Ayidee Cambalaalaa jechuun ergaa dabarsaniiru.