Duudhaalee Fiichee Cambalaalaa hunda caalaatti beeksisuuf nihojjetama-Ministir Hirut Kaasaa

Bitootessa 19/2017 (TOI)- Naannoo Sidaamaa waliin qindaa’uun duudhaalee Fiichee Cambalaalaa hunda caalaatti beeksisuuf akka hojjetu Ministeerri Turizimii beeksise.

Ministirri Turizimii Salaamaawiit Kaasaa ayyaan a Fiichee Cambalaalaa irratti ergaa dabarsaniin, Fiichee Cambalaalaan ayyaana ta’uun gamatti nagaan, jaalalli, tokkummaa fi obbolummaan kan itti gabbatuu fi kan waldhabe kan itti araaramu ta’uu eeraniiru.

Ministeerichi duudhaalee Fiichee Cambalaalaa caalaatti beeksisuufis mootummaa naannichaa waliin ta’uun hawata turizimiif oolchuuf faayidaa dinagdee isaa guddisuuf akka hojjetamu dubbataniiru.

Fiichee Cambalaalaan ala qabeenyota Turizimii uumamaa fi namtolchee naannichaa biroo misoomsuu fi beeksisuun faayidaasaa mul’isuun akka barbaachisu ibsaniiru.

De’eetaan ministira aadaa fi Ispoortii Nafiisaa Almahaadii gamasaaniin, ayyaanni jijjiirraa bara haaraa Sidaamaa duudhaasaa eeggatee akka turu gochuun nibarbaachisa jedhaniiru.

Ayyaanni jijjiirraa bara haaraa Sidaamaa kan ta’e Fiichee Cambalaalaan Hawaasaa Sooressaa Gudumaalleetti hooggantoonni mootummaa olaanoo fi keessummoonni biroon bakka argamanitti kabajamaa jira.