Manni barumsaa leenjii Kontiinjentii Huursoo loltuu bu’uraa leenjise eebbisiisaa jira

Bitootessa 20/2017(TOI)-Jiddugaleessa nagaa kabachiisaa ittisaatti manni barumsaa leenjii Kontiinjentii Huursoo loltuu bu’uraa leenjise eebbisiisaa jira.

Miseensonni raayyaa marsaa salgaffaaf eebbifaman turtiisaaniin beekumsaa fi ogummaa loltummaa ammayyaa argachuunsaanii ibsameera.

Beekumsaa fi ogummaa argatan wayita eebbaatti keessummootatti qabatamaan agarsiisaniiru.

Dursaan garee ijaarsa Xin sammuu manabarumsaa leenjii Kontiinjentii Huursoo Letenaal koloneel Balaay Hiruuyi TOI’tti akka himanitti, manni barumsichaa miseensota bakka buutota raayyaa piroofeeshinaalaa karaa amansiisaa birmadummaa biyyaa eegsisan itti fufiinsaan leenjisee eebbisiisaa jira.

Eebbifamtoonni marsaa saglaffaa qaamaa fi xin sammuun sadarkaa dirqama kennameef ga’umsa olaanaan bahuu isaan dandeessisuun qophaa’aniiru jedhan.

Qondaaltonni ittisaa olaanoon, itti aanaan kantiibaa magaalaa Dirree Dawaa fi miseensonni hooggansa nageenyaa sirna eebbaarratti argamaniiru.