Meeshaaleen kondirobaandii Birrii miiliyoona 264 caalutti tilmaamaman qabaman

Bitootessa 20/2017 (TOI)- Meeshaaleen kondirobaandii Birrii miiliyoona 264 caalutti tilmaamaman qabamuusaanii komishiniin Gumurukii beeksie.

Komishinichi Bitootessa 12 amma 18 bara 2017 tti hordoffii taasiseen meeshaalee  biyya galfamuuf ture birrii miiliyoona 250 tuqaa 7 fi meeshaalee ala baafamuuf ture birrii miiliyoona 13 tuqaa 6 qabuusaa ibseera.

Walumaa gala meeshaalee kontirobaandii Birrii miiliyoona 264 tuqaa 3 baasan waajjira dameelee garagaraatti qabamuun himameera.

Kanneen keessaa albuuda garagaraa, uffannaa, elektirooniksii, buna, midhaan dheedhii, meeshaallee jijjiirraa konkolaataa, meeshaalee miidhaginaa, Jimaa, baala sammuu hadoochu,dawaa, beellada fi maallaqni biyya alaa keessatti argamu.

Kontirobaandii ala baafamuuf ture karaa waajjiraalee damee Mooyyaalee, Kombolchaa fi Hawaasaa tartiibaan meeshaalee kontirobaandii Birrii miiliyoona 81, miiliyoona 36 fi 32  baasan qabaniiru.

Shakkamtoonni meeshaalee kontirobaandii deddeebisan 16 fi konkolaattonni 9 to’atamaniiru.

Meeshaaleen kontirobaandii kunneen hojjettoota komishinii Gumurukii, poolisii federaalaa Itiyoophiyaa, poolisii naannoo fi carraaqqii hawaasni waloon taasisaniin hordoffiin qabamuun ibsameera.