Ministirichi ijaarsa jiddugala leenjii misooma aannanii biyyaalessaa hundagaleessaaf dhagaa bu’uraa kaa’an

Bitootessa 20/2017(TOI)- Ministirri qonnaa Girmaa Amantee ijaarsa jiddugala leenjii misooma aannanii biyyaalessaa hundagaleessaa naannoo Oromiyaa magaalaa Hoolotaatti dhagaa bu’uraa kaa’aniiru.

Jiddugalichi abbaa darbii sadii heektaara shan irratti kan ijaaramu yoo ta’u birriin miiliyoona 200n akka ijaaramu himameera.

Ministirichi wayita kana akka jedhanitti, jiddugalli ijaaramu kun ogeeyyota ga’oomaa horachuun rakkoo nama leenji’ee misooma aannaniirratti mudatu furuuf nidandeessisa.

Fayyadamummaa dinagdee horiisee fi qonnaan bulaa kan guddisuu fi carraa hojii kan uumu ta’uun ibsameera.

Ministirichi dhakaa bu’uraa erga kaa’anii booda sochii hojii waliigalaa jiddugala misooma beelladaa Hoolotaa daawwataniiru.