Yaa’iin daldalaa fi misoomaa Itiyoophiyaa fi DhMG tumsa waloo akka cimsu ibsan

Bitootessa 20/2017 (TOI)-Yaa’iin daldalaa fi misoomaa Itiyoophiyaa fi dhaabbata mootummoota gamtoomanii (Anktayid) tumsa sektara garagaraan qaban caalaatti cimsuuf walitti dhufuun akka hojjetan beeksisan.

Ergamaan dhaabbataa Itiyoophiyaa Biiroo Jenevaa dhaabbata mootummoota gamtoomanii fi dhaabbilee idil addunyaa Siwiizarlaanditti argamanii ambaasaaddar Tsaggaa’aab Kibaboo hooggantoota yaa’ii daldalaa fi misoomaa mootummoota gamtoomanii (Anktayid) waliin Jenevaatti mari’ataniiru.

Ambaasaaddar Tsaggaa’aab hoogganaa damee imaammataa fi qu’annoo Juuniyeer  Daaviis fi hooggantuu damee Afriikaa guddinarra jiranii fi sagantaalee addaa Habiibaa Been Baark waliin mari’ataniiru.

Anktayid deeggarsa Itiyoophiyaaf taasisaa jiruuf ambaasaaddarichi galateeffatanii, Itiyoophiyaan A.L.A Maarch 2026 adeemsa miseensummaa dhaabbata daldala addunyaa xumuruuf kutannoon akka hojjettu ibsaniiru.

Haala Kanaan adeemsi miseensa ta’uuf deemamu akka milkaa’u deeggarsi teekniikaa fi gabbisa dandeettii dhaabbata mootummoota murteessaa ta’uu dubbataniiru.

Qaamoleen lamaan hariiroo dameewwan tumsaa fedhii waloo ta’anirratti qaban cimsuuf kutannoo qabaachuu waliin dubbataniiru.

Guddinni dinagdee hunda galeessii fi egeree Itiyoophiyaa fi Afriikaatti akka mirkaneessuuf waliin akka hojjetan ibsuusaanii odeeffannoon Jenevaatti waajjira ergamaa dhaabbataa Itiyoophiyaa nimul’isa.