Guddina tajaajila Mekanaayizeeshinii qonnaaf qooda fudhattoonni qooda guddaa bahuu qabu-Dr. Soofiyaa Kaasaa

Bitootessa 20/2017 (TOI)- Guddina tajaajila Mekanaayizeeshinii qonnaaf qooda fudhattoonni qooda guddaa akka bahan de’eetaan ministira qonnaa Dr. Soofiyaa Kaasaa ibsan.

Mariin sanada wixinee tarsiimoo Mekaanaayizeeshinii  qonnaa biyyaalessaa irratti xiyyeeffate har’a magaalaa Adaamaatti taasifameera.

Tariimoo Mekanaayizeeshinii qonnaa duraaniirraa muuxannoo  fudhachuun fi fedhii fi itti fayyadama teeknooloojii fi mekanaayizeeshinii qonnaa hubannoo keessa galchuun tarsiimoon waggaa 10nii haaraan qophaa’uusaa de’eetaan ministira qonnaa Dr. Soofiyaa Kaasaa ibsaniiru.

Tarsiimoon haaraan imaammata qonnaa fi misooma baadiyyaa ka’umsa godhachuusaas dubbataniiru.

Tajaajila Mekanaayizeeshinii qonnaa guddisuuf  deeggarsi qooda fudhattootaa murteessaadha jedhan de’eetaan ministiraa kun.

Ministeera qonnaatti hjii raawwachiisaan dursaa garee mekanaayizeeshinii qonnaa Isheetuu Hundee gamasaaniin, tarsiimoon mekaanaayizeeshinii qonnaa dhiheessii fi itti fayyadama mekanaayizeeshinii qonnaa guddisuuf, jiddugaloota tajaajila kennan bal’isuu fi qulqullina mirkaneessuuf akkasumas hojmaatota fooyya’an diriirsuuf akka dandeessisu ibsaniieu.