Xaa’oon bara oomishaaf biyya galfame Meetiriik Toonii kuma 900 caaleera-abbaa taayitichaa

Bitootessa 22/2017(TOI)- Xaa’oon galtee bara oomishaa 2017/18f oolu amma ammaatti

Meetiriik Toonii kuma 900 caalu gara biyya keessaatti geejjibamuu abbaan taayitaa maariitaayimii Itiyoophiyaa beeksise.

Dooniin 19ffaan "MV ABBAY II" jedhamtu Xaa’oo Daap meetiriik toonii kuma 55 feete buufata Jibutii geessee xaa’oo buusuu eegaluushee ibseera.

Mootummaan bara oomishaa 2017/18f xaa’oo meetiriik toonii miiliyoona 2 tuqaa 4 (kuntaala miiliyoona 24) bitee biyya galchuuf karoorsee hojjechaa jira.

Karoora qabame keessaa amma kaleessaatti meetiriik toonii miiliyoona tokkoo ol buufata Jibutii ga’e keessaa meetiriik toonii kuma 900 caalaan biyya keessa galfamuu odeeffannoon TOI’, abbaa taayitichaarraa argate nimul’isa.

Xaa’oon meetiriik toonii kuma 118 fi 956 ta’u buufata Jibutiitti akka argamu ibseera.

Xaa’oon biyya galfame Yuuriyaa fi Daappiidha.