Komishinar Dammallaash Gabramikaa’el garee qorannoo Poolisii Emereetota Araba Gamtoomanii Dubaayi waliin mari’atan.

Bitootessa  22/2017(TOI)-Komishinar Jeneraaliin komishinii poolisii Federaalaa Itiyoophiyaa  Dammallaash Gabramikaa’el hoogganaa garee qu’annaa Poolisii Emereetota Araba Gamtoomanii Dubaayi Letenaal Koloneel Abdallaa Ahaammadiin durfamu  waliin qorannoo yakkaa ilaalchisee mana hojii olaanaa poolisii federaalaa Itiyoophiyaatti mari’ataniiru

Marii Kanaan shakkamtoota Dubaayitti yakka raawwatanii Itiyoophiyaa keessa dhokatan to’annaa jala oolchuun qorannoon taasifamaa akka jiru komishinar jeneraal Dammallaashi Gabramikaa’el ibsaniiru.

Fuulduras shakkamtoota biyyoota lamaaniin barbaadaman dabarsuun kennuun seeraan akka gaafataman gochuuf garee qorannoo yakkaa waloo dhaabuun fi muuxannoo walii qooduun akka hojjetamu mari’achuusaanii odeeffannoon poolisii federalaa irraa argame nimul’isa.

Hoogganaan garee qorannoo poolisii Dubaayi L/koloneel Abdallaa Mahaammad tumsa taasifameef galateeffachuusaanii fi hooggantoota qorannoo yakkaa poolisii federaalaa Itiyoophiaa simachuuf qophii akka ta’an ibsuunsaaniis eerameera.