Adeemsi Itiyoophiyaan Ulaa galaanaa argachuuf itti deemaa jirtu sirriidha-Ambaasaaddara Israa’eel Dr. Abrihaam Nugusee

Bitootessa 22/2017(TOI)- Adeemsi dippilomaasii nagaa Itiyoophiyaan Ulaa galaanaa argachuuf itti deemtu sirrii ta’uu Itiyoophiyaatti Ambaasaaddarri  Israa’eel Dr. Abrihaam Nugusee ibsan.

Itiyoophiyaatti ambaasaaddarri Israa’eel Dr. Abrihaam NuguseeTOI’ walii turtii taasisaniin akka ibsanitti, gaaffiin dippilomaasii fi nagaa Itiyoophiyaan ulaa galaanaa fayyadamuuf gaafatte sirriidha.

Biyyoonni addunyaa haqaaf falman fedhii ulaa galaanaa Itiyoophiyaan barbaaddu sirriitti ni’ilaalu jedheen amana kan jedhan ambaasaaddarichi, biyyi baay’ina ummataa hedduu qabdu ulaa galaanaa malee jiraachuu hinqabdu jedhaniiru.

Gaaffiin ulaa galaanaa Itiyoophiyaas dinagdee guddachaa dhufe keessummeessuuf barbaachisaa ta’uu ibsaniiru.

Mootummaas ta’e biyyi kana hin hubanne waan hinjirreef adeemsi dippilomaasii karaa nagaa dhimma furmaata argatu ta’uu dubbataniiru.