Dureeyyiin Ameerikaa jarraa gaarii dameelee Invastimantii garagaraan Itiyoophiyaatti uumame akka fayyadaman gaafatame

Bitootessa 23/2017(TOI)- Dureeyyiin Ameerikaa jarraa gaarii dameelee Invastimantii garagaraan Itiyoophiyaatti uumame akka fayyadaman Ameerikaatti ambaasaaddarri Itiyoophiyaa Binnaalf Andu’alam gaafatan.

Ambaasaaddar Andu’alam magaalaa Morgantawun kan west Verjiiniyaatti argamtu daawwataniiru.

 Daawwanichi daldalaa fi Invastimantii,barnootaa fi qu’annoo, teeknooloojii fi Innoveeshinii, hubannoo namtolchee akkasums aadaa walii qooduurratti kan xiyyeeffate ta’uu odeeffannoon embaasii Itiyoophiyaa Waashiingita Diisii nimul’isa.

Itiyoophiyaan yeroo dhihoo asitti riifoormii dinagdee guutummaatti hojiirra oolchaa jirtu ilaalchisuun ambaasaaddar Binnaalf oomishtootaaf ifa taasisaniiru.

Invastaroonni Invast gochuuf Itiyoophiyaa dhufaniif yeroo kamiyyuu caalaa haalli mijataan akka jiru ibsaniiru.

Ameerikaanota filmaattota Invastimantii garagaraa Itiyoophiyaan qabdu ilaaluuf Itiyoophiyaa dhaqaniif embaasichi deeggarsa barbaachisu akka taasisu himaniiru.

Dinagdeen gamattis sektara barnootaan walitti dhufeenya uumuun Baayoo Teeknooloojiin, Fayyaa hawaasaa fi sektaroota Kanaan walqabataniin sagantaalee walii qooduu fi tumsa waloo taasisuuf hooggansa boordii fi miseensota Yuunivarsiitii Weest verjiiniyaa waliin yaada walii qoodaniiru.

Daawwanichi walumaa gala gama Invastimantiin filmaattota Itiyoophiyaan qabdu beeksisuun akka danda’ame beekameera.

Sektara barnootaan dhaabbileen Weest Varjiiniyaatti argaman dhaabbilee Itiyoophiyaatti argaan waliin walitti fiduun tumsa cimsuuf carraa mijataa uumuusaa embaasichi beeksiseera.