Amma ammaatti Xaa’oon kuntaala kuma 465 caalu godina jimmaa buufata raabsii aanaalee qaqqabeera

Bitootessa 23/2017 (TOI) - Amma ammaatti Xaa’oon bra oomishaa 2017/18f oolu kuntaalli kuma 465 caalu godina jimmaa buufata raabsii aanaalee qaqqabuusaa ejensiin babal’isa waldaalee hojii gamtaa godinichaa beeksise.

Hoogganaan ejensichaa obbo Dimaamuu Nigaatuu akka ibsanitti, qonna Arfaasaa fi Gannaa baranaaf xaa’oon kuntaala mil. 1 tuqaa 3 nidhihaata.

Amma ammaatti kan karoorfame keessaa kuntaala kuma 465 caalaan buufata raabsii aanaalee qaqqabuu dubbataniiru.

Hanqinni sanyii filatamaa akka hin uumamnes sanyiinis qopheeffamaa jiraachuu eeraniiru.

Midhaan gurguddoo oomishaman keessaa Boqqoolloon tokko ta’uu eeranii, sanyii filatamaa Boqqoolloo kuntaala kuma 17 fi 224 qonnaan bulaaf raabsuuf qophiin tasifamuu beeksisaniiru.

Hoogganaan waajjira qonnaa godinichaa obbo Tijaanii Tamaam gamasaaniin qonna Arfaasaa fi Gannaa baranaan lafa heektaara kuma 900 irra sanyii facaasuuf karoorfamuu beeksisaniiru.

Yeroo ammaa dhiheessiin galtee fi qophiin oyiruu taasifamaa jiraachuu himaniiru.