Waggoottan jijjiiramaa darbanitti hojiileen misoomaa hawaasa fayyadamaa taasisan hojjetamaniiru-obbo Kaffaaloo Tafarraa - ENA Afaan Oromoo
Waggoottan jijjiiramaa darbanitti hojiileen misoomaa hawaasa fayyadamaa taasisan hojjetamaniiru-obbo Kaffaaloo Tafarraa
Bitootessa 23/2017(TOI)- Naannoo Oromiyaatti Waggoottan jijjiiramaa darbanitti hojiileen misoomaa hawaasa fayyadamaa taasisan hojjetamuu paartii badhaadhinaatti hoogganaan waajjira damee naannoo Oromiyaa obbo Kaffaaloo Tafarraa ibsan.
Waggoottan jijjiiramaa darbanitti bu’aalee naannichatti galmaa’an ilaalchisuun obbo Kaffaaloo Tafarraa ibsa kennaniiru.
Ibsa kennaniin, waggoottan jijjiiramaa darban hojiilee siyaasaa, dinagdee fi hawaasummaa fayyadama ummataa qabatamaan mirkaneessan hojjetamaniiru.
Jijjiiramni Bitootessa 24 argame rakkoolee turan hundeerraa furuun ummanni misoomarratti akka xiyyeeffatu haala mijataa uumuusaa ibsaniiru.
Waggoottan kaneenitti inisheetiivonni misoomaa garagaraa bocamanii wabii nyaataa ummataa mirkaneessuuf tumsi olaanaan taasifamuu himaniiru.
Dabalataanis Dameewwan haqaa, tasgabbii fi hawaasummaan milkaa’inoonni hedduun galmaa’uu ibsaniiru.
Milkaa’inoota damee waggoottan jijjiiramaa galmaa’an itti fufsiisuu fi badhaadhina gama hundaa galmaan gahuuf ummanni mootummaa waliin ta’uun nagaa eegsisuu fi misoomarratti cichuu akka qabu hubachiisaniiru.