Waggaa jijjiiramaa 7ffaa sababeeffachuun naannoo Oromiyaatti hiriirri deggarsaa taasifamaa jira

Bitootessa 24/2017 /TOI)- Waggaa jijjiiramaa 7ffaa sababeeffachuun naannoo Oromiyaa bakkeewwan garagaraatti tti hiriirri deggarsaa taasifamaa jira.

Magaalaan Adaamaa, Roobee Gimbii,Jimmaa fi kanneen biroo bakkeewwan hiriirri nagaa keessatti taasifamaa jiranidha.

Dhaadannoowwan “duudhaalee keenya ijaarsa nageenya waloo keenyaaf”, “Bitootessi 24 injifannoo waloo keenyaati”, fi “injifannoo Bitootessa 24 birmadummaan dinagdeen nidaballa”  jedhan dhageessifamaa jiru.

Abbootii Gadaa fi haadholii Siinqee dabalatee kutaaleen hawaasaa garagaraa hiriira nagaa kanarratti hirmaachaa jiru.