Seenaa siyaasaa biyya keenyaa keessatti Bitootessi 24 guyyaa sirni siyaasaa hammataan itti uumamedha-obbo Ordiin Badrii

Bitootessa 24/2017 (TOI)- Seenaa siyaasaa biyya keenyaa keessatti Bitootessi 24 guyyaa sirni siyaasaa hammataan itti uumamee fi olaantummaa yaadaa gonfachuun danda’ame guyyaa seena qabeessa ta’uu bulchaan naannoo Hararii obbo Ordiin Badrii ibsan.

Bulchaan kun ibsa kennaniin, Bitootessi 24 Siyasa, dinagdee, boqonnaa siyaasaa haaraa fi abdii biyyaaf  fidee kan dhufe ta’uu himaniiru.

Namoonni yaadasaanii bilisummaan dhiheeffachuu akka danda’anii fi sirni haqaa fi murtii  eenyuyuu osoo keessa hinseeniinbilisa akka ta’u kan dandeessisedha.

Pirojektoonni akka naannoottis ta’e akka biyyaatti  jalqabamanii hin xumuramiin fala kan itti argatan, rakkooleen qabeenya haqa qabeessummaan qooduu kan itti furamanii fi abdiin biroo kan itti dhufanidha.

Seenessa waloo biyyaalessaan tokkummaa sabdaneessummaa ijaaruuf carraaqqiin kan taasifame, haaloo siyaasaa hambisuun siyaasa wal balleessuu haqa cehumsaa fi marii biyyaalessaan furuuf  abdiin kan taasifame ta’uu ibsaniiru.

Bitootessi 24 kessumaa gaaffilee ummataa bara hedduu karaa heera mootummaa fi demokiraasii akka deebi’an taasisuun gumaacha guddaa akka taasise dubbataniiru.

Kanaaf milkaa’inoonnii fi bilisimmaan  akkasii cimanii akka itti fufan tokkummaa keessoo cimsuu, birmadummaa eeguu, dandeettii misoomuu fi badhaadhuu fayyadamuu barbaachisa jedhaniiru.

Itiyoophiyaa boruu har’a hojjechuu fi dhaloota boruuf har’a hojjechuu qabna jechuun  bulchaan kun waamicha dabarsuu isaanii odeeffannoon waajjira komunikeeshinii naannichaarraa argame nimul’isa.