Itiyoohiyaan waggoottan jijjiiramaa torba darban rakkoolee mudatan mo’achaa milkaa’inoota gurguddaa galmeessiteetti-Ministir Dr. Alamuu Simee

Bitootessa 24/2017(TOI)- Itiyoohiyaan waggoottan jijjiiramaa torba darban rakkoolee mudatan mo’achaa milkaa’inoota gurguddaa galmeessisuushee Ministirri geejjibaa fi loojistiksii  Dr. Alamuu Simee ibsan.

Ministeerri geejjibaa fi loojistiksii fi hojjettoonnii dhaabbilee itti waamamasaa mata duree “ Kaleessa har’a boru guddummaa Itiyoophiyaaf” jedhuun hojiiwwan waggoottan darban Itiyoophiyaatti hijjetamanii fi hojiiwwan itti aananirratti nari’achaa jiru.

Ministirri Dr. Alamuu Simee, de’eetaan ministiraa Bari’oo Hasan dabalatee hooggantoonno mootummaa olaanoo akkasumas hojjettoonni ministeerichaaf itti waamaman marii kanarratti argamaniiru.

Ministirri DR. Alamuu Simee wayita kana akka jedhanitti, Itiyoophiyaan waggootta toorban darban damee hundaanuu jijjiirama fiddeetti.

Hooggansi cimaa fi ceesisaan ministirri muummee Dr. Abiyyi Ahimad kennan Itiyoophiyaan qormaata hunda mo’attee milkaa’inoon gurguddoo akka galmeessiftu taasiseera jedhan.

Damee geejjibaatiin bu’aan dinqisiisaan galmaa’uu ministirichi ibsaniiru.

Badhaadhina Itiyoophiyaa mirkaneessuuf ministeera geejjibaa dabalatee hooggantoonnii fi hojjettoonni dhaabbilee itti waamamaniihojii itti bobba’anitti caalaatti cimuu akka qaban hubachiisaniiru.