Firiiwwan jijjiiramaan argaman Itiyoophiyaa boruuf bu’ura waan ta’aniif cimsinee qabachuu qabna

Bitootessa 24/2017(TOI)- Firiiwwan jijjiiramaan argaman Itiyoophiyaa boruuf bu’ura waan ta’aniif cimsinee qabachuu qabna jedhan kantiibaan magaalaa Sandaafaa Bakkee Alamaayyoo Tonkoluu.

Ayyaanni waggaa torbaffaa jijjiiramaa mata duree “ Kaleessa har’a boru guddummaa Itiyoophiyaaf” jedhuun magaalaawwan biyyattii garagaraatti kabajamaa jira.

Barii sa’aatii 12 irraa eegalee magaalaa Sandaafaa Bakkeettis kabajameera.

Kantiibaan magaalaa Sandaafaa Bakkee obbo Alamaayyoo Tonkoluu hiriira kanarratti jijjiiramni Bitootessa 24 Itiyoophiyaaf “boqonnaa haaraa kan banedha” jedhaniiru.

Bitootessi 24 bu’ura tokkummaa sabdaneessummaa keenyaa waan ta’eef dhaloonni yaadachaa jiraata jedhaa Kntiibichi.

Paartii badhaadhinaatti hoogganaan waajjira damee bulchiinsa magaalaa Sandaafaa Bakkee obbo Mitikkuu Lammeessaa ergaa dabarsaniin ayyaanni jijjiiramaa Bitootessa 24 kan hunda keenyaati jedhan.

Qabsoon waggaa torba dura aarsaa itti kaffalle har’a firii horachaa jira jechuun dabalanii ibsaniiru.

Bitootessi ayyaana dachaadha kan jedhan obbo Mitikkuun gamtaa hidha haaromsaarratti agarsiifne misooma biroorrattis dabalamuu qaba jedhan.