Jijjiiramichi poolisii federaalaaf bara itti dammaqudha-komishinar Jeneraal Dammallaash Gabramikaa’el

Bitootessa 24/2017(TOI)- Jijjiiramichi poolisii federaalaaf bara itti dammaqu ta’uu komishinar Jeneraaliin poolisii federaalaa Dammallaash Gabramikaa’el ibsan.

Poolisiin federaalaa Itiyoophiyaa jijjiirama biyyaa Bitootessa 24 qophiilee garagaraan kabajeera.

Komishinar jeneraal Dammallaash Gabramikaa’el dabalatee, itti aantonni komishinar jeneraalonni, fi hooggantoonni olaanoon biroon saganticharratti argamaniiru.

Guyyaa kana ilaalchisuun barreeffamni mata duree “firiiwwan jijjiiramaa baatiiwwan Bitootessaa abdiiwwan boruu kleessa, har’aa fi boru guddummaa Itiyoophiyaaf” jedhuun dhihaatee mariin taasifameera.

Komishinar jeneraal Dammallaash Gabramikaa’el wayita kana akka ibsanitti, jijjiirmichi poolisii federaalaa Itiyoophiyaaf bara itti dammaqudha jedhaniiru.

Waggoottan jijjiiramaan darban riifoormiin milkaa’oon poolisii federaalaa irratti taasifamuu ibsaniiru.

Hojiin riifoormii humna namaa, teeknooloojii ammayyeessuu, caaseffama, hojmaata, fuulduee hubachuun hojjechuun milkaa’aan hojjetameera jedhan.

Kun ammoo yakka ittisuunis ta’e hojiiwwan qorannoo yakkaa hojjechuun dandeettiin gochaan agarsiisuu poolisii akka guddatu taasisuu dubbataniiru.