Pirojektoota Bishaanii magaalaa Gaambeelaatti hojjetamaniif deeggarsi barbaachisu nitaasifama-Ministir Dr. Injiinar Habtaamuu Ittafaa

Bitootessa 24/2017(TOI)- Pirojektoota Bishaanii magaalaa Gaambeelaatti hojjetamaniif deeggarsi barbaachisu akka taasifamu ministirri bishaanii fi inarjii Dr. Injiinar Habtaamuu Ittafaa iban.

Ministirichi hooggantootaa fi qaamolee deeggartootaa waliin ta’uun pirojektoota Bishaanii naannichatti hojjetamaa jiran daawwachuuf Gaambeellaa dhaqaniiru.

Bulchituun naannichaa adde Alamituu Umood dabalatee hooggantoonni olaanoo naannichaa buufata xiyyaaraa Gaambeellaatti argamuun ministiricha simataniiru.

Ministirichi wayita kana akka jedhanitti, naannichatti kan argaman pirojektoota bishaanii hojjetamaa jiran daawwachuun deeggarsa barbaachisu taasisuufi.

Bulchituun naannichaa adde Alamituu Umod gamasaaniin, ministirri Bishaanii fi Albuudaa fi qaamolee deeggartootaa biroon sektaricha deeggaruuf naannicha dhufuusaaniif galateeffataniiru.

Ministirichi turtii guyyoota lamaatiin dhaabbilee bishaanii aanaa addaa Itaang fi magaalaa Gambeellaatti hojjetamaa jiran akka daawwatan eegama.