Bara 2022tti quucarummaa guutummaatti hambisuuf hojiin hojjetamu cimee itti nifufa-Ministir Dr. Maqdas Dhaabaa - ENA Afaan Oromoo
Bara 2022tti quucarummaa guutummaatti hambisuuf hojiin hojjetamu cimee itti nifufa-Ministir Dr. Maqdas Dhaabaa
Bitootessa 24/2017(TOI)- Bara 2022tti quucarummaa waadaa Saqoxaan qabame guutummaatti hambisuuf hojiin hojjetamu cimee itti fufuu akka qabu Ministirri fayyaa Dr. Maqdas Dhaabaa gaafatan.
Koreen istiriingii sirna nyaataa fi niwutiriishinii Waadaan Saqoxaa hojiirra oolmaa tarsiimoo nyaataa fi sirna nyaataa fi boqonnaa waadaa Saqoxaa akkasumas yaa’ii sirna nyaataa mootummoota gamtoomanii Itiyoophiyaan Waxabajjii dhufu adeemsiftu ilaalchisee marii taasisaa jira.
Ministirri qonnaa Dr. Girmaa Amantee, ministirri Fayyaa Dr. Maqdas Dhaabaa, ministirri dubartootaa fi dhimma hawaasummaa Dr Ergoogee Tasfaayee, ministirri geejjibaa fi lojistiksii Dr. Alamuu Simee, ministirri barnootaa Piroofeesar Birhaanuu Naggaa akkasumas hooggantoonni mootummaa olaanoon marii kanarratti argaaniiru.
Ministirri fayyaa Dr. Maqdas Dhaabaa wayita kana akka jedhanitti, hojiirra oolmaan nyaataa fi sirna nyaataa xiyyeeffannoon hojiirraa oolaa jira.
Waadaan Saqoxaa bara 2022 lakkoofsa quucarummaa zeeroon gahuuf karoorsuun aanaalee 334 keessatti hojeessaa jira jedhaniiru.
Nyaannii fi sirni nyaataa keessumaa waadaa Saqoxaa waliin itti gaafatamuummaan gaggeeffamaa akka jiruu fi milkaa’inoota galmeessisaa jira jedhan.
Sirna nyaataa irratti hubannoon taasifamaa turuu fi rakkoo sirna nyaataa salphisuuf naannoleerratti hojjetanii agarsiisuu hawaasaa fi muuxannoo bal’isuuf hojjetamaa akka jiru ibsaniiru.
Aanaalee waadaan Saqoxaa keessatti hojiirra oolaa jiran moodela gochuuf hojjetamaa akka jiru himanii, bara 2018 aanaalee 186tti bal’isuuf akka karoorfame dubbataniiru.