Bu’aaleen dinagdee, hawaasummaa, siyaasaa fi dippilomaasi waggoottan jijjiiramaatti argaman guddummaa Itiyoophiyaa dabalaniiru-Af-yaa’ii Aganyoo Tashaagar

Bitootessa 24/2017(TOI)- Bu’aaleen dinagdee, hawaasummaa, siyaasaa fi dippilomaasi waggoottan jijjiiramaatti argaman guddummaa Itiyoophiyaa kan dabalan ta’uu Af-yaa’iin mana maree federeeshinii Aganyoo Tashaagar ibsan.

Hooggantootaa fi miseensota mana maree federeeshinii fi bakka bu’oota ummataa RDFI’f jijjiirama hunda galeessa Bitootessa 24 dhufe mata duree “kaleessa, har’aa fi boru guddummaa Itiyoophiyaaf” jedhuun waltajjiin marii qophaa’eera.

Miseensi mana maree badhaadhinaa fi af-yaa’iin mana maree federeeshinii RDFI Aganyoo Tashaagar hooggantootaa fi miseensota mana maree lamaanii haasawa taasisaniin Bitootessa 24 dura Itiyoophiyaa keessatti jijjiiramaaf yaaliiwwan hedduun taasifamanii turan jedhaniiru.

Haa ta’u malee kan Bitootessa 24 bara 2017 jijjiirama addaa fi milkaa;aa ta’uu eeranii jijjiiramichi kan ummataa, heera mootummaa kan eegee fi dhaabbatummaa akka ta’u miistirri muummee Dr. Abiyyi Ahimad roodmaappii jijjiiramaa qopheessuun milkaa’ina jijjiiramichaaf qoonni bahan seenaan kan yaadatamu ta’uu ibsaniiru.

Jijjiiramni ummattoota Itiyoophiyan dhufe kun Itiyoophiyaa fi ummattootasheef bu’aalee hedduu argamsiiseera jedhan.

Jijjiiramni kun Itiyoophiyaa bittinnaa’uurraa baraaruu dubbatanii, dabalataanis bu’aaleen dinagdee, hawaasummaa, siyaasaa fi dippilomaasiin argame guddummaa Itiyoophiyaa kan dabalan ta’uu ibsaniiru.

Walqabsiisuunis, jijjiiramicha itti fufsiisuu fi fayyadama ummattootaa mirkaneessuun ittigaafatama hundaa ta’uu ibsanii, dhimmoota farra nageenyaa ta’an marii karaa nagaa qofaan furuun ibsituu qaroominaati jedhaniiru.

Minseensi mana maree Badhaadhinaa fi itti aantuun Af-yaa’ii mana maree bakka bu’oota ummataa adde Loomii Badhoo gamasaaniin, jijjiiramichi tokkummaa ummattoota Itiyoophiyaa kan cimse, fayyadama walqixaa ummattootaa fi hirmaannaa siyaasaa kan mirkaneesse waan ta’ef guyyaa kana adda taasisa jechuusaanii odeeffannoon mana maree federeeshiniirraa argame nimul’isa.