Xumura hidha haaromsaa guddichaaf yoomiyyuu caalaa tokkummaan dhaabachuun akka barbaachisu ibsame

Bitootessa 24/2017(TOI)- Xumura hidha haaromsaa guddichaaf yoomiyyuu caalaa tokkummaan dhaabachuun akka barbaachisu waajjirri pirojektii qindeessaa hidha haaromsaa guddichaa beeksise.

Waajjirichi Itiyoophiyaanota, dhalattoota Itiyoophiyaa fi michoota Itiyoophiyaaf dhakaan bu’uraa kan itti kaa’ame waggaa 14ffaan baga geessan jechuun ergaa dabarseera.

Ergaa kanaanis, ijaarsi hidhichaa xumuratti dhihaachuusaa waajjirichi fuula marsariitii isaarratti beeksiseera.

Hidhi haaromsaa deeggarsa ummata bal’aan hojjetamaa jiraachuunsaa, hidhi kun tokkummaa cimsuunsaa, injifannoo dippilomaasii miidhagaan dabaalamee fi maqqaa gaarii Itiyoophiyaa beeksisuun barana waggaa 14ffaa qabachuunsaa eerameera.

Injifannoo Kanaan kan geenye gamtaan waan dhaabanneefi kan jedhe waajjirri kun, dhimmoota biyyaalessaa biroofis caalaatti waliin dhaabachuu akka dandeenyu nuhiif barnoota addunyaaf ammoo fakkeenya jedheera.

Deeggarsi hunda galeessi taasifamus amma xumura hidhichaatti cimee akka itti fufu waajjirichi waamicha taasiseera.