Bitootessi 24 guyyaa Itiyoophiyaan gama hundaan seenaashee keessatti daandii haaraa eenyuyyuu hin yaalle itti jalqabdedha—Dr. Laggasaa Tulluu

Bitootessa 24/2017(TOI)- Bitootessi 24 guyyaa Itiyoophiyaan gama siyaasaa, dinagdee, hawaasummaa fi dippilomaasiin seenaashee keessatti daandii haaraa eenyuyyuu hin yaalle itti jalqabdedha jedhan ministirri tajaajila komunikeeshinii mootummaa Dr. Laggasaa Tulluu.

Guyyaan kun falaasama ida’amuun, ilaalcha siyaasaa jwiirtuun gaggeeffamtee kan darberraa waan gaarii fudhachuun, dhaloota boruuf har’a ashaaraa haaraa kaa’uun boqonnaa guddummaa kan itti eegaltedha fuula marsariitii isaaniin.

Heddummina walxaxaa fi eenyummaa hedduutiin balaa bittinnaa’uu jalaa baatee heddummina akka faayaatti itti fyyadamtee tokkummaa sabdaneessummaa caalaatti cimsuu kan itti eegaltedha jechuun ibsaniiru.

Waggoota jijjiiramaatti industirii oomishaan, albuudaan, damee tuurizimii fi hoospitaalitiin, magaalaa fi bu’ura misooma diriirsuun akkasumas dinagdee dijitaalaan rakkoolee Itiyoophiyaatti aggaamaman guddummaashee mirkaneessuun jijjiiramaa fi guddina galmeessisuushee ibsaniiru.

Lammiileen nagaa akka argatan sirna siyaasaa ammayyaa qaroomee fi olaantummaa yaadaan gaggeeffamu diriirsuuf carraaqqiin taasifamebu’aa abdachiisaa buusuu jalqabuusaa ministirichi ibsaniiru.

Injifannoowwan galmeeffaman lakkaa’uun egereesaanii eeguu fi bal’isuun akka barbaachisu hubachisaniiru.