Baankichi baatii saddet keessatti birrii biiliyoona 264 caalu maamiltootaaf liqeesseera-Obbo Abbee Sanoo

Bitootessa 24/2017 (TOI)-Baankiin daldalaa Itiyoophiyaa baatii saddt bara bajataa 2017tti Birrii biiliyoona 264 caalu maammiltootaaf dhiheessuusaa pirezidaantiin Bankichaa Abbee Saanoo ibsan.

Maamiltoonni kuma 717 karaa dijitaalaa liqii fayyadamuusaaniis himaniiru.

Pirezidaantiin baankii daldala Itiyoophiyaa Abbee Saanoo raawwii hojii dhaabbatichaa kan baatii saddetii mana maree bakka bu’oota ummataatti koree dhaabbataa dhimmoota dhaabbilee misoomaa mootummaaf dhiheessaniiru.

Pirezidaantichi wayita kana, baankichi gama liqiitiin akaakuu liqii haaraa beeksisaa jira jedhan.

Baankichi baatiiwwan saddet darban qofa birrii biiliyoona 264 tuqaa 65 maamiltootaaf dhiheessuusaa ibsanii, kana keessaa harki 88 tuqaa 2 damee dhuunfaaf kennamuu himaniiru.

Birrii liqeeffame walumaa gala tiriiliyoonii 1 tuqaa 39 qaqqabuusaa eeraniiru.

Baankichi Itiyoo telekoom waliin ta’uu liqii karaa dijitaalaa kennaa akka jiru himaniiru.

Baatii saddeti darbanitti karaa dijitaalaa liqiin birrii biiliyoona 3 tuqaa 9 dhihaachii ibsaniiru.

Kanneen hojii uumaniif kaka’umsa hojii deeggaruuf tajaajila liqii kennuuf qophiin taasifamuu eeraniiru.

Karaa dijitaalaa tajaajila liqii kennuuf qophiin xumuramee sadarkaa yaaliirra akka jiru pirezidaantichi ibsuusaanii odeeffannoon Baankicharraa argame nimul’isa.