Qoonni aksiyoonii Itiyoo Telekoom birriin miiliyoona 10 tuqaa 7 gurgurameera

Ebla 17/2017(TOI)-Gurgurtaa aksiyoonii Itiyoo Telekoomii  dhibbantaa 10 keessaa Qoonni aksiyoonii birrii miiliyoona 10 tuqaa 7 gurguramuusaanii Itiyoo Telekoom beeksise.

Hojii raawwachiiftuun olaanaa Itiyoo Telekoom Fireehiywoot Taammiruu Onkoloolessa 6 bara 2017 aksiyoonni Itiyoo telekoom gurgurtaaf qophaa’uu ministirri muummee Dr. Abiyyi Ahimad ifoomsuunsaanii yaadachiisaniiru.

Haala Kanaan Itiyoo Telekoom qooda aksiyoonii dhibbantaa 10 ummataaf dhiheessuusaa kaasaniiru.

Adeemsi gurgurtaa aksiyoonii guyyoota 121f adeemsifamaa turuu ibsanii, Lammiileen Itiyoophiyaa kuma 47 ta’an hirmaachuusaanii ibsaniiru.

Kanarraas maallaqni kaffalame birriin miiliyoona 3 tuqaa 2 kan walitti qabame yoo ta’u qoonni aksiyoonii miiliyoona 10 tuqaa 7 gurguramuu dubbataniiru.