Mas’uuliyiinta sar-sare ee shirkadaha Djibouti Telecom iyo Sudatel Telecommunications Group oo ay horkacayeen xubno sar-sare ayaa booqday Xarunta Khibradd wadaaga ee Ethio Telecom oo ku taalla madxafka xuska guushii Adwa

Addis Ababa, Gudba/Hidhaar, 25/2017T.I.(ENA): Mas’uuliyiinta Ethio Telecom oo ay hoggaaminayso Maareeyaha Guud, Frehiwat Taamiru, ayaa soo bandhigtay adeegyada kala duwan ee shirkadda sida tiknoolajiyadda, xalalka dhijitaalka ah, iyo adeegyo kale oo gaar ah.

 

Wafdiga ayaa bogaadiyay dadaalka weyn ee Ethio Telecom gelisay xalalka dhijitaalka ah iyo awoodda xooggan ee kaabayaasha horumarineed ee shirkaddu leedahay. Waxay sidoo kale sheegeen in Ethio Telecom ay tusaale u noqon karto shirkadaha kale ee ka hawlgala qaaradda Afrika.

Xarunta Khibradda ayaa la tilmaamay inay tahay goob dhiirrigelinaysa hal-abuurka iyo horumarinta tiknoolajiyadda dhijitaalka ah, taas oo kaalin muhiim ah ka qaadan karta isbeddelka dhijitaalka ah ee Afrika.

 

Ethio Telecom ayaa sidoo kale loo aqoonsaday inay door muhiim ah ka ciyaarto horumarinta dhaqaalaha dhijitaalka ah ee Afrika, iyada oo ay iskaashi dhow la leedahay shirkadaha Djibouti Telecom iyo Sudatel Telecommunications Group.

Ugu dambayntii, waxaa la sheegay in saddexda shirkadood ay dhowaan kala saxiixdeen heshiis ku saabsan hirgelinta mashruuca "Hindisaha Isku Xirnaanta Fiber-ka ee Xadka Muuqaalka ee Horizon Fiber Connectivity Initiative,” oo lagu xoojinayo isku xirnaanta isgaarsiinta casriga ah ee qaaradda Afrika.