Ciyaaraha - ENA Af-Soomaali
Ciyaaraha
Madaxweynaha Federeeshinka Caalamiga ah ee Gymnastics-ka ayaa soo gaaray Addis Ababa
Apr 1, 2025 15
Addis Ababa, Cuur/ Magaabiit 23/2017 (ENA): Madaxweynaha Federeeshinka Caalamiga ah ee Gymnastics-ka, Morinare Watanaabe, ayaa maanta subaxdii gaaray Addis Ababa si uu booqdo dhaqdhaqaaqa Gymnastics ee Itoobiya. Markii uu madaxweynaha soo gaaray Garoonka Caalamiga ah ee Bole, madaxweynaha Federeeshinka Gymnastics ee Itoobiya, mudane Gebeyaw Takele, iyo xubnaha Guddiga Fulinta ee Federeeshinka ayaa soo dhaweeyay. Madaxweynaha Federeeshinka Caalamiga ah ee Gymnastics-ka, Morinare Watanaabe, ayaa sheegay in inta uu joogayo Itoobiya uu sameyn doono qiimeyn ku saabsan heerka uu ka gaarey Gymnastics-ka ee Itoobiya, sida uu sheegay xoghayaha Wasaaradda Dhaqanka iyo Ciyaaraha. Madaxweynuhu wuxuu sidoo kale qorsheynayaa inuu booqdo goobo tababarka ciyaaraha iyo inuu la kulmo hoggaamiyeyaasha Wasaaradda Dhaqanka iyo Ciyaaraha. #Ethiopian_News_Agency #Ethiopia #Gymnastics #Sports
Xulka qaranka Itoobiya iyo dhiggiisa Jabuuti ayaa caawa isreeb-reebka Koobka adduunka ee kubadda cagta isla ciyaari doona
Mar 24, 2025 61
Addis Ababa, Cuur/Magaabiit 15, 2017 (ENA) – Xulka qaranka Itoobiya ayaa maanta la ciyaari doona xulka qaranka Jabuuti kulan ka tirsan isreeb-reebka Koobka Adduunka 23-aad ee qaaradda Afrika. Ciyaarta u dhaxeysa labada dal ayaa ka dhici doonta garoonka Al- Cabdi ee magaalada Al-Jediika ee dalka Morooko, marka aya saacaddu tahay 12:00 habeennimo. Itoobiya ayaa guuldaro labo iyo eber ah kala kulantay dhiggeeda Masar kulankeedii shanaad ee guruubyada maalmo ka hor. Waxa ayn ku haatan ku sugan tahay kaalinta shanaad ee guruubka koowaad iyadoo leh saddex dhibcood. Jabuuti ayaa guuldaro afar iyo hal ah kala kulantay xulka qaranka Burkiina Faaso ciyaartii hore. Waxa ayna ku sugan tahay kaalinta lixaad iyagoo leh hal dhibic kaliya. Xidhiidhka kubbada cagta Itoobiya ayaa sheegay in xulka qaranka Itoobiya oo uu hogaaminayo tababare Mesay Teferi ay shalay sameeyeen tababarkii ugu dambeeyay ee diyaargarowga ciyaarta. Koobka Adduunka ee 23-aad ee FIFA ayaa la qaban doonaa sanadka 2026-ka T.Y, waxaana qabanaya Mareykanka, Kanada iyo Meksiko. Markii ugu horeysay taariikhda tartanka waxaa ka qeyb galaya 48 wadan. Si ay uga qayb galaan Koobka Adduunka, 54 waddan oo Afrikaan ah ayaa loo qaybiyay sagaal guruub, waxaana ciyaaraya ciyaaraha isreebreebka. Afrika ayaa si toos ah uga qeyb gali doonta 9 wadan oo ka tirsan koobka aduunka, waana kororka ka qaybqaadashadii hore ee 5 waddan. Haddii xul Afrikaan ah uu guul ka gaaro isreeb-reebka wadamada qaaradaha kale, wuxuu noqonayaa waddankii 10-aad ee matala qaaradda.
Tartanka 10-aad heer Magaalo ee Tartanka Ardayda iyo Macallimiinta Heer Magaalo Maanta Bilaabanaya
Mar 22, 2025 61
Addis Ababa, Cuur/Megabit 13/2017 (ENA) – Tartanka 10-aad ee isboortiga ardayda iyo macallimiinta heer Magaalo ayaa maanta ka furmaya garoonka Addis Ababa Stadium. Tartanka ahaa halkudhig looga dhigay "Anagoo tartanka Isboortiga Dugsiyada Dhaqan u yeelayna, waxaan abuureynaa jiil caafimaad qaba, firfircoon, oo karti leh". Xogta laga helayo Xafiiska Waxbarashada ee Maamulka Magaalada Addis Ababa,ayaa sheegaysa in tartankan ay si wadajir ah u soo agaasimay Xafiiska Waxbarashada ee Addis Ababa iyo Xafiiska Dhallinyarada iyo Isboortiga ee Addis Ababa. #Ethiopia #Ethiopian_News_Agency #ENA
Orodyahanadda Dumarka ee Itoobiya ee ka qaybgalaya orodka 800 Mitir ayaa Gaadhay siddeed dhamaadka
Mar 21, 2025 63
Addis Ababa, Cuur/ Magaabiit 12/2017 (ENA): Tartanka 20-aad ee Ciyaaraha Guriga Adduunka ayaa ka bilowday Nanjing, Shiinaha. Tartankan, saddex ciyaartoy oo u ciyaaraysay Itoobiya orodka 800 mitir ee dumarka ayaa u gudbay siddeed dhamaadka. Ciyaartoydii u gudubtay siddeed dhamaadka ayaa waxaa ka mid ah Habtaam Alam, Tsige Dhuguma, iyo Nigist Geetaajaw. Maanta, orodyahnnadan ayaa ku tartami doona tartanka 1,500 ee mitir ee dumarka oo bilaabmaya 7:33 duhurnimo, iyadoo tartanka 1,500 mitir ee ragga uu bilaaban doono 8:18 duhurnimo, sida ay sheegtay warbixinta ururka Federeeshinka.
Batrise Motsebe ayaa mar kale loo doortay madaxweynaha CAF
Mar 12, 2025 81
Addis Ababa, Cuur/Megabit 3, 2017 (ENA) – Dr. Batrise Motsebe ayaa mar kale loo doortay madaxweynaha Xiriirka Kubadda Cagta Afrika ee (CAF). Shirweynaha 14-aad ee degdegga ah ee CAF ayaa maanta lagu qabtay magaalada Qaahira ee dalka Masar. Shirweynaha guud ayaa dib u doortay Dr. Patrice Motsepe oo ah 63 jir, si uu u hoggaamiyo CAF afar sano oo kale. Motsepe ayaa xilka madaxweynenimada CAF hayay tan iyo 2021kii. Shirweynaha waxaa ka qayb galay madaxweynaha Xiriirka Kubadda Cagta ee Itoobiya, ahna xubin ka tirsan guddiga fulinta ee CAF, Mudane Isayas Jira, madaxweyne ku-xigeenka, Dr. Dagnechaw Nigatu, iyo xoghayaha guud ee xiriirka, Mudane Bahiru Tilahun, oo matalayay Itoobiya. #Wakaaladda_Wararka_Itoobiya #Itoobiya
Dhismaha garoonka caalamiga ah ee Bahirdhaar ayaa gabo gabo ah maraya – MudaneTamasgan Tiruneh
Mar 4, 2025 95
Addis Ababa; cirir/yakaatiit 25/2017 (ENA): Ra’iisul wasaare ku xigeenka dalka mudane Tamasgan Tiruneh ayaa sheegay in dhismaha garoonka caalamiga ah ee Bahirdhaar uu gabgabo marayo. Ra’iisul Wasaare ku xigeenka ayaa bartiisa baraha bulshada ku sheegay in garoonka uu wax badan ka bedelay qaabkii uu u ekaa markii uu kormeer u yimid 6 bilood ka hor. Waxa uu sidoo kale sheegay in dhismaha garoonka uu gaaray gabagabo, islamarkaana iyadoo la ilaalinayo heerarka caalamiga ah ee CAF iyo FIFA marka la dhisayo dhammaan kaabayaasha horumarka ee garoonka. Wuxuu sheegay in garoonka weyn ee Bahirdhaar uu fursad lagu martigelin karo tartamada qaaradaha iyo kuwa caalamiga ah u abuuri doono dalkeenna. Waxa kale oo uu intaasi ku daray dhismaha garoonkani wax weyn ku soo kordhinayo bilicda magaalada, isha dhaqaalaha iyo soo noolaynta bahda ciyaaraha. Gabagabadii waxa uu sheegay in si buuxda loo dhameystiri doono dhismaha dhamaadka sanadkan, islamarkaana la bilaabi doono martigelinta ciyaaraha .
Labada Hay’adood ayaa ka wadahadleen xoojinta iskaashiga dhinaca ciyaaraha
Mar 4, 2025 88
Addis Ababa,Cirir/yekatit 25, 2017 (ENA) – Taliyaha Booliska Federaalka Itoobiya, Jeneraal Demelash Gebremichael, ayaa maanta xafiiskiisa wadahadal kula yeeshay Wasiirka Dhaqanka iyo Ciyaaraha, shawit shaanka, iyaga oo ka hadlay iskaashiga ka dhexeeya labada hay’adood. Jeneraalka ayaa sheegay in Booliska Federaalka Itoobiya uu yahay hay’ad balaadhan oo ay ku jiraan hogaamin iyo xubno boolis ah oo si xirfad leh u guta waajibaadkooda, isla markaana astaan u ah midnimada qaran ee dalka. Wuxuu sidoo kale xusay in tartamada ciyaaraha ee ka dhex socda booliska Itoobiya ay door weyn ka ciyaarayaan xoojinta midnimada gudaha ee ciidanka. Jeneraalka ayaa tilmaamay in dhismaha hay’ad boolis oo suurtagelin karta midnimo qaran iyadoo la adeegsanayo dhaqanka, farshaxanka, iyo ciyaaraha ay tahay mid si guul leh loo hirgelinayo. Wasiirka Dhaqanka iyo Ciyaaraha, Shawit Shaanka, ayaa dhankeeda xustay in ciyaaruhu ay u baahan yihiin maalgelin ballaaran, loona baahan yahay in la isticmaalo siyaabo kala duwan oo dhaqaale lagu abuuri karo si kor loogu qaado horumarinta ciyaaraha. Waxaa sidoo kale ay xustay in Itoobiya ay si wadajir ah ula shaqeynayso Wasaaradda Dhaqanka iyo Ciyaaraha si ay u martigeliso tartanka ciyaaraha booliska ee dalalka xubnaha ka ah Ururka Taliyeyaasha Booliska Bariga Afrika. Wasiirka ayaa uga mahadcelisay Booliska Federaalka Itoobiya dib u bilaabidda tartanka ciyaaraha booliska, oo horay u joogsaday. waxayna sheegtay in tartankaasi uu door weyn ka ciyaarayo kor u qaadista ciyaartoyda ku matali doonta dalka heer caalami, taasoo ah arrin lagu farxo. Wasiirku waxay sidoo kale carrabka ku adkaysay in wasaaraddu ay sii wadeyso iskaashiga ay la leedahay Booliska Federaalka Itoobiya si loo xoojiyo ciyaaraha iyo Xirfadaha. Ugu dambeyn, wasiirku waxay booqatay qeybaha farsamada casriga ah ee Booliska Federaalka, sida ay sheegayso warbixinta laga helayo ha'yada. #Wakaaladda_Wararka_Itoobiya
Kooxda Booliska Soomaalida ayaa Booliska Diri Dhaba kaga badiyay 6 iyo 0
Mar 3, 2025 87
Addis Ababa, Cirir/ Yakaatiit 24/2017 (ENA): Kooxda kubadda Cagta Booliska DDS ayaa 6 gool iyo waxba ugu awood sheegtay dhigooda Booliska Ismaamulka Magaladda Diri Dhaba. Kulankan ayaa katirsanaa tartanka kubadda cagta Booliska Dawladd Deegaannada iyo labada Ismaamul Magaalo ee dalka kaasoo ka socda garoonka kubadda cagta ee Addis Ababa. Kooxda Booliska Soomaalida ayaana kasoo kabsaday guuldaradii kasoo gaadhay dhigooda federal Booliska.
Orodyahan Taamirat Toola iyo orodyahan Simbo Alamaayahu ayaa loo doortay orodyahanada ugu wanaagsan sannadkan
Dec 2, 2024 321
Addis Ababa, Gudba/Hidhaar, 23/2017T.I.(ENA): Orodyahan Taamiraat Toola ayaa ku guuleystay abaalmarinta orodyahanada ugu wanaagsan ee tartamada waddooyinka sannadkan, isagoo ka soo muuqday tartamo caalami ah oo uu guulo kasoo hoyiyay. Orodyahan Taamirat ayaa sidoo kale lagu xusuusan karaa inuu sannadkan olambikada Paris ku guuleystay billadda dahabka ah, isagoo u keenay dalkiisa guusha ugu saraysay ee tartankaas. Dhanka kale, orodyahan Simbo Alamaayahu ayaa ku guuleysatay abaalmarinta orodyahannada da'da yar ee ugu wanaagsan sannadkan, sida ay shaacisay xogta caalamiga ah ee cayaaraha fudud. Orodyahan Simbo oo matalaysay dalkeeda ayaa tartamada 3,000 mitir kaqaybgashay, iyadoo ka qeybgashay Koobka Adduunka ee ciyaaraha Budhabest iyo ciyaaraha Olambikada ee Paris, natiijooyin heer sare ahna ay kasoo hoyisay. Orodyahannnada ugu wanaagsan tartamada waddooyinka ee dhanka dumarka waxaa iyana ku guulaysatay Sifan Xasan oo u oroda dalka Netherlands.
Warqwuha Geetaajaw ayaa ku guuleysatay billadda dahabka ee Tartanka 2aad ee Ciyaaraha Ciidamada Afrika
Nov 28, 2024 313
Addis Ababa, Gudba/Hidhaar, 19/2017T.I.(ENA): Warqwuha Geetaajaw, oo ka tirsan ciidanka difaaca Itoobiya, ayaa ku guuleysatay billadda dahabka ee tartanka 3,000 mitir ee orodka ee Tartanka 2aad ee Ciyaaraha Ciidamada Afrika , kaasoo ka dhacay magaalada Abuuja ee dalka Nigeria. Guushan waxay u noqotay billaddii labaad ee dahab ah oo ay shaqsiyan ku guuleysato, halka sidoo kale ciidanka difaaca Itoobiya ay markii lixaad ay ku guulaysteen tartankan. Tartanka 3,000 mitir, oo ahaa mid aad u adag, ayay Ba'alamlaay Shumat kusoo bandhigtay qaab ciyaareed heer sare ah, iyadoo kaalinta labaad ka gashay tartanka. Inta lagu jiro tartanka ciyaaraha, kooxda ciyaaraha ee ciidanka difaaca Itoobiya waxay ku guuleysteen 6 billadood oo dahab ah, 7 billadood oo bir ah, iyo 2 billadood oo naxaas ah, taasoo wadarta guud ka dhigaysa 15 billadood, sida ay xaqiijiyeen wararka kasoo baxay ciidanka difaaca Itoobiya.
Itoobiyaanku waxay leeyihiin soodhawayn la yaab leh oo quluubta dadka ku jiri karta - Madaxweynaha CAF Batris Motsebe (Dr.)
Oct 23, 2024 517
Addis Ababa, Dirir/Tiqimt, 13/2016T.I.(ENA): Itoobiyaanku waxay leeyihiin soodhawayn la yaab leh oo ku jiri karta quluubta dadka, ayuu yiri Batris Motsebe (Dr.), madaxweynaha xiriirka kubbadda cagta Afrika (CAF). Madaxweynaha ayaa xalay lagu sii sagootiyay garoonka diyaaradaha ee caalamiga ah ew Bole. Wasiirka Dhaqanka iyo Isboortiga Shawiit Shaankaa iyo Madaxweynaha Xiriirka Kubadda Cagta Itoobiya Isaayaas Jira ayaa sagootiyay Madaxweynaha. Madaxweynaha ayaa ka mahadceliyey soo dhawaynta iyo martiqaadka ay u samaysay dawladda Itoobiya. Intii aan Adis-ababa joogay waxa aan arkay in Itoobiyaanku ay leeyihiin dhaqan aad u qurux badan, marti-soor iyo ixtiraam badan. Sida ay sheegayso xogta aan kahelayno Wasaarada Dhaqanka iyo Ciyaaraha, Madaxweynaha ayaa u yimid qabashada shirweynaha 46-aad ee CAF, waxaana uu shaaca ka qaaday in si wanaagsan uu kusoo dhamaaday shirka.
Giyanni Infantino, oo ah madaxweynaha xiriirka kubbadda cagta adduunka ee FIFA, ayaa la sagootiyay
Oct 22, 2024 509
Addis Ababa, Dirir/Tiqimt, 12/2016T.I.(ENA): Giyanni Infantino oo ah gudoomiyaha xiriirka kubada cagta aduunka ee FIFA ayaa laga sagootiyay garoonka caalamiga ah ee Bole. Waxaa la og yahay in madaxweynaha FIFA Giyaanni Infantino uu shalay soo gaaray magaalada Addis Ababa si uu uga qeyb galo shirweynaha 46-aad ee caadiga ah ee xiriirka kubadda cagta Afrika (CAF).
Shirweynihii 46-aad ee CAF oo lagu qabanayo dalka Itoobiya waxa uu dib u soo noolayn u samayn doonaa kubbadda cagta dalkeena
Oct 22, 2024 366
Addis Ababa, Dirir/Tiqimt, 12/2016T.I.(ENA): Xidigaha kubbada cagta aduunka ee Africa ayaa iyaguna shirkan ku sugan magaaladeena. Waxaan si kal iyo laab ah u rajaynaynaa in shirku ku dhamaado guul”. - Ra'iisul Wasaare ku xigeen Tamasgan Tirunah
Madaxweynaha FIFA Giyanni Infantino ayaa soo gaaray Addis Ababa
Oct 22, 2024 378
Addis Ababa, Dirir/Tiqimt, 11/2016T.I.(ENA): Madaxweynaha FIFA Giyanni Infantino ayaa soo gaaray magaalada Addis Ababa. Madaxweynaha ayaa caawa fiidkii soo gaaray magaalada Addis Ababa si uu uga qeyb galo shirweynaha 46-aad ee xiriirka kubadda cagta Afrika ee CAF. Markii uu ka soo degay garoonka caalamiga ah ee Bole, waxaa ku soo dhaweeyay Wasiirka Arrimaha Dibadda Dr. Gadhiyoon Timootiyoos, Guddoomiyaha Xiriirka Kubadda Cagta Afrika Batris Motsebe (Dr.) iyo Guddoomiyaha Xiriirka Kubadda Cagta Itoobiya Isaayaas Jira.
Xoghayaha guud ee FIFA iyo Madaxweyne ku xigeenka CAF ayaa soo gaaray Addis Ababa
Oct 21, 2024 239
Addis Ababa, Dirir/Tiqimt, 11/2016T.I.(ENA): Xoghayaha guud ee FIFA Laars Nils Matiyaas Girafistroom iyo Madaxweyne ku xigeenka saddexaad ee CAF Suleymaan Waaberi ayaa soo gaaray magaalada Addis Ababa si ay uga qeybgalaan shirweynaha 46-aad ee CAF. Wasiiru Dowlaha Wasaaradda Haweenka iyo Arrimaha Bulshada Xuriya Cali, mas’uuliyiin ka tirsan dowladda iyo agaasimaha guud ee habmaamuuska ee wasaaradda arrimaha dibadda, Mudane Malaaku, ayaa ku qaabilay garoonka diyaaradaha ee Bole, sida ay sheegayso xogta aan ka helnay wasaaradda arrimaha dibadda.
Duqa Maamulka Magaalada Addis Ababa Marwo Adhaanej Abebe ayaa munaasabad soo dhawayn ah ugu sameeysay madxafka xuska guushAdwa madaxwaynaha ururka CAF
Oct 21, 2024 237
Addis Ababa, Dirir/Tiqimt, 11/2016T.I.(ENA): Duqa Maamulka Magaalada Addis Ababa Marwo Adhaanej Abebe ayaa ku soo dhaweeysay madxafka xuska guusha Adwa Madaxweynaha CAF Baatris Motsebe oo Addis Ababa u joogay ka qayb galka shirwaynaha 46-aad ee xidhiidhka kubbada cagta Afrika ee CAF. Xogta laga helay xafiiska duqa magaalada ayaa tibaaxaysa in Batris Motsebe iyo ka qayb galayaasha shirka ay booqdeen madxafka xuska guusha Adwa. Ugu dambayntii, waxaa soo dhawaynta iyo booqashadaba goobjoog ka ahaa Marwo Adhaanej Abebe iyo masuuliyiin kale oo ay ka mid yihiin wasiiro heer federaal ah.
Waxaa socda shirweynihii caadiga ahaa ee xidhiidhka kubbadda cagta Itoobiya
Oct 8, 2024 354
Addis Ababa, Kodxin/Maskaram, 28/2016T.I.(ENA): Waxaa Hoolka Midowga Afrika ka furmay Shirweynihii 16-aad ee Xiriirka Kubadda Cagta Itoobiya. Madaxweynaha Xiriirka Kubadda Cagta Itoobiya Isaayaas Jiraa iyo Wasiiru Dawlaha Dhaqanka iyo Ciyaaraha Danjire Masfin Jarinat ayaa madasha khudbado kasoo jeediyay. Sida ay sheegayso xogta aan kahelayno Xidhiidhka Kubbadda Cagta, waxaa la soo bandhigayaa lagana doodayaa warbixintii waxqabadkii 2016-ka, kadib markii la soo xulay shaqsiyaadkii qaban lahaa shirka codkana tirin lahaa.
Ururka feerka Afrika ayaa xaruntiisa guud ka furay dalka Itoobiya
Aug 17, 2024 774
Addis Ababa, Naaf/Nahaase, 11/2016T.I.(ENA): Ururka feerka Afrika ayaa maanta xariga ka jaray xaruntiisa guud ee Itoobiya ee seerada dalxiis ee Midnimo. Xafladda xadhigjarka ayaa waxaa ka soo qeyb galay wasiirka dhaqanka iyo ciyaaraha Shawit Shaanka, madaxweynaha xiriirka Afrika Iyaasu Wasan iyo mas’uuliyiin kale oo ay ka mid yihiin xubno ka tirsan golaha sare ee xiriirka. Sidoo kale, wasiiraddu waxay khudbadeeda ku sheegtay in furitaanka xafiiska guud ee ururka feerka Afrika ee Itoobiya uu faa’iido weyn u leeyahay arrimaha bulshada, siyaasadda iyo dhaqaalahaba. Ugu dambayntii waxay sheegtay in marka laga soo tago ka qeyb qaadashada horumarinta feerka ay sidoo kale muhiim tahay ka qeyb qaadashada shaqo abuurka.
12 sano ka dib, Itoobiya waxay ku guulaysatay bilad maarta ah iyadoo ay heshay orodyahannad Ababa Aragaawi
Aug 13, 2024 741
Addis Ababa, Naaf/Nahaase, 07/2016T.I.(ENA): Orodyahanad Ababa Argaawi oo orodka 1,500 mitir ku matalaysay dalka Itoobiya ciyaarihii Olombikada 2012 ee London, ayaa ku guulaysatay biladdeeda maarta ah 12 sano kadib. Orodyahannada ayaa ku dhameystay tartanka kaalinta 5-aad ee orodka 1,500m ee haweenka ee lagu qabtay London 12 sano ka hor. Si kastaba ha ahaatee, ciyaartoydii kale ee ka qaybgashay natiijada tartanka ayaa guddiga Olombikada caalamiga ah uu buriyay natiijadoodii sababo kala duwan awgood. Intaa ka dib, Orodyahannad Ababa oo xilligaas ku dhameysatay kaalinta 5-aad ayaa 12-sano kadib heshay bilada maarta ah ee ay dalkeeda u keentay, iyadoo gashay kaalinta saddexaad ee tartanka orodka 1,500m ee haweenka ee olombikadii 2012kii London. Ugu dambayntii xogta aan ka helnay Wasaarada Dhaqanka iyo Ciyaaraha ee JDFI ayaa sheegaysa in Orodyahannada ay billadda ku gudoontay Xafladdii xiritaanka Ciyaaraha Olombikada Adduunka ee Paris ee sanadkan.
Waxaa la tilmaamay in dowladdu ay si adag ula socon doonto dhismaha garoonka qaranka
Aug 13, 2024 732
Addis Ababa; Naaf/Nahaase 6/2016 (ENA):- Waxaa la shaaciyey in xukuumaddu ay si adag ula socon doonto qaabka uu u socdo dhismaha Garoonka Qaranka ee(Adhey Ababa Stadium). Wasiirka Xafiiska Ra’iisul Wasaaraha iyo Arrimaha Kaabineedka Alemsahay Paulos iyo Wasiirka Dhaqanka iyo Isboortiga Shewit Shanka ayaa kala hadlay xaalada guud ee garoonka, qandaraaslayaasha dhismaha, la taliyayaashaiyo khubarda. Kulankan ayaa waxaa lagu soo bandhigay warbixinta dhismaha wajiga 1-aad ee garoonka iyo waxqabadka wajigii labaad ee howlaha guud. Xogta ay ENA ka heshay Wasaaradda Dhaqanka iyo Ciyaaraha ayaa lagu sheegay in la isla meel dhigay in wejiga koowaad la sii xoojiyo, wajiga labaadna ay qabtaan Qandaraaslayaal wadani ah. Waxaa la tilmaamay in dowladdu ay jiho ka bixin doonto howlaha dhismaha ee u baahan lacagaha qalaad, waxaana la tilmaamay in si dhow loola socon doono mashruucan. Sidoo kale, masuuliyiinta labada hay’adood waxay kaloo booqdeen hannaanka dhismaha garoonka.