Addis Ababa, Dirir/Tiqimt, 13/2016T.I.(ENA): Itoobiyaanku waxay leeyihiin soodhawayn la yaab leh oo ku jiri karta quluubta dadka, ayuu yiri Batris Motsebe (Dr.), madaxweynaha xiriirka kubbadda cagta Afrika (CAF). Madaxweynaha ayaa xalay lagu sii sagootiyay garoonka diyaaradaha ee caalamiga ah ew Bole. Wasiirka Dhaqanka iyo Isboortiga Shawiit Shaankaa iyo Madaxweynaha Xiriirka Kubadda Cagta Itoobiya Isaayaas Jira ayaa sagootiyay Madaxweynaha.   Madaxweynaha ayaa ka mahadceliyey soo dhawaynta iyo martiqaadka ay u samaysay dawladda Itoobiya. Intii aan Adis-ababa joogay waxa aan arkay in Itoobiyaanku ay leeyihiin dhaqan aad u qurux badan, marti-soor iyo ixtiraam badan. Sida ay sheegayso xogta aan kahelayno Wasaarada Dhaqanka iyo Ciyaaraha, Madaxweynaha ayaa u yimid qabashada shirweynaha 46-aad ee CAF, waxaana uu shaaca ka qaaday in si wanaagsan uu kusoo dhamaaday shirka.

Addis Ababa, Dirir/Tiqimt, 12/2016T.I.(ENA): Giyanni Infantino oo ah gudoomiyaha xiriirka kubada cagta aduunka ee FIFA ayaa laga sagootiyay garoonka caalamiga ah ee Bole.   Waxaa la og yahay in madaxweynaha FIFA Giyaanni Infantino uu shalay soo gaaray magaalada Addis Ababa si uu uga qeyb galo shirweynaha 46-aad ee caadiga ah ee xiriirka kubadda cagta Afrika (CAF).

Addis Ababa, Dirir/Tiqimt, 12/2016T.I.(ENA): Xidigaha kubbada cagta aduunka ee Africa ayaa iyaguna shirkan ku sugan magaaladeena.   Waxaan si kal iyo laab ah u rajaynaynaa in shirku ku dhamaado guul”. - Ra'iisul Wasaare ku xigeen Tamasgan Tirunah

Addis Ababa, Dirir/Tiqimt, 11/2016T.I.(ENA): Madaxweynaha FIFA Giyanni Infantino ayaa soo gaaray magaalada Addis Ababa.   Madaxweynaha ayaa caawa fiidkii soo gaaray magaalada Addis Ababa si uu uga qeyb galo shirweynaha 46-aad ee xiriirka kubadda cagta Afrika ee CAF.   Markii uu ka soo degay garoonka caalamiga ah ee Bole, waxaa ku soo dhaweeyay Wasiirka Arrimaha Dibadda Dr. Gadhiyoon Timootiyoos, Guddoomiyaha Xiriirka Kubadda Cagta Afrika Batris Motsebe (Dr.) iyo Guddoomiyaha Xiriirka Kubadda Cagta Itoobiya Isaayaas Jira.

Addis Ababa, Dirir/Tiqimt, 11/2016T.I.(ENA): Xoghayaha guud ee FIFA Laars Nils Matiyaas Girafistroom iyo Madaxweyne ku xigeenka saddexaad ee CAF Suleymaan Waaberi ayaa soo gaaray magaalada Addis Ababa si ay uga qeybgalaan shirweynaha 46-aad ee CAF.   Wasiiru Dowlaha Wasaaradda Haweenka iyo Arrimaha Bulshada Xuriya Cali, mas’uuliyiin ka tirsan dowladda iyo agaasimaha guud ee habmaamuuska ee wasaaradda arrimaha dibadda, Mudane Malaaku, ayaa ku qaabilay garoonka diyaaradaha ee Bole, sida ay sheegayso xogta aan ka helnay wasaaradda arrimaha dibadda.

Addis Ababa, Dirir/Tiqimt, 11/2016T.I.(ENA): Duqa Maamulka Magaalada Addis Ababa Marwo Adhaanej Abebe ayaa ku soo dhaweeysay madxafka xuska guusha Adwa Madaxweynaha CAF Baatris Motsebe oo Addis Ababa u joogay ka qayb galka shirwaynaha 46-aad ee xidhiidhka kubbada cagta Afrika ee CAF.   Xogta laga helay xafiiska duqa magaalada ayaa tibaaxaysa in Batris Motsebe iyo ka qayb galayaasha shirka ay booqdeen madxafka xuska guusha Adwa.   Ugu dambayntii, waxaa soo dhawaynta iyo booqashadaba goobjoog ka ahaa Marwo Adhaanej Abebe iyo masuuliyiin kale oo ay ka mid yihiin wasiiro heer federaal ah.

Addis Ababa, Kodxin/Maskaram, 28/2016T.I.(ENA): Waxaa Hoolka Midowga Afrika ka furmay Shirweynihii 16-aad ee Xiriirka Kubadda Cagta Itoobiya.   Madaxweynaha Xiriirka Kubadda Cagta Itoobiya Isaayaas Jiraa iyo Wasiiru Dawlaha Dhaqanka iyo Ciyaaraha Danjire Masfin Jarinat ayaa madasha khudbado kasoo jeediyay.   Sida ay sheegayso xogta aan kahelayno Xidhiidhka Kubbadda Cagta, waxaa la soo bandhigayaa lagana doodayaa warbixintii waxqabadkii 2016-ka, kadib markii la soo xulay shaqsiyaadkii qaban lahaa shirka codkana tirin lahaa.

Addis Ababa, Naaf/Nahaase, 11/2016T.I.(ENA): Ururka feerka Afrika ayaa maanta xariga ka jaray xaruntiisa guud ee Itoobiya ee seerada dalxiis ee Midnimo.   Xafladda xadhigjarka ayaa waxaa ka soo qeyb galay wasiirka dhaqanka iyo ciyaaraha Shawit Shaanka, madaxweynaha xiriirka Afrika Iyaasu Wasan iyo mas’uuliyiin kale oo ay ka mid yihiin xubno ka tirsan golaha sare ee xiriirka.   Sidoo kale, wasiiraddu waxay khudbadeeda ku sheegtay in furitaanka xafiiska guud ee ururka feerka Afrika ee Itoobiya uu faa’iido weyn u leeyahay arrimaha bulshada, siyaasadda iyo dhaqaalahaba.   Ugu dambayntii waxay sheegtay in marka laga soo tago ka qeyb qaadashada horumarinta feerka ay sidoo kale muhiim tahay ka qeyb qaadashada shaqo abuurka.

Addis Ababa, Naaf/Nahaase, 07/2016T.I.(ENA): Orodyahanad Ababa Argaawi oo orodka 1,500 mitir ku matalaysay dalka Itoobiya ciyaarihii Olombikada 2012 ee London, ayaa ku guulaysatay biladdeeda maarta ah 12 sano kadib. Orodyahannada ayaa ku dhameystay tartanka kaalinta 5-aad ee orodka 1,500m ee haweenka ee lagu qabtay London 12 sano ka hor.   Si kastaba ha ahaatee, ciyaartoydii kale ee ka qaybgashay natiijada tartanka ayaa guddiga Olombikada caalamiga ah uu buriyay natiijadoodii sababo kala duwan awgood. Intaa ka dib, Orodyahannad Ababa oo xilligaas ku dhameysatay kaalinta 5-aad ayaa 12-sano kadib heshay bilada maarta ah ee ay dalkeeda u keentay, iyadoo gashay kaalinta saddexaad ee tartanka orodka 1,500m ee haweenka ee olombikadii 2012kii London. Ugu dambayntii xogta aan ka helnay Wasaarada Dhaqanka iyo Ciyaaraha ee JDFI ayaa sheegaysa in Orodyahannada ay billadda ku gudoontay Xafladdii xiritaanka Ciyaaraha Olombikada Adduunka ee Paris ee sanadkan.

Addis Ababa; Naaf/Nahaase 6/2016 (ENA):- Waxaa la shaaciyey in xukuumaddu ay si adag ula socon doonto qaabka uu u socdo dhismaha Garoonka Qaranka ee(Adhey Ababa Stadium).   Wasiirka Xafiiska Ra’iisul Wasaaraha iyo Arrimaha Kaabineedka Alemsahay Paulos iyo Wasiirka Dhaqanka iyo Isboortiga Shewit Shanka ayaa kala hadlay xaalada guud ee garoonka, qandaraaslayaasha dhismaha, la taliyayaashaiyo khubarda.   Kulankan ayaa waxaa lagu soo bandhigay warbixinta dhismaha wajiga 1-aad ee garoonka iyo waxqabadka wajigii labaad ee howlaha guud. Xogta ay ENA ka heshay Wasaaradda Dhaqanka iyo Ciyaaraha ayaa lagu sheegay in la isla meel dhigay in wejiga koowaad la sii xoojiyo, wajiga labaadna ay qabtaan Qandaraaslayaal wadani ah.   Waxaa la tilmaamay in dowladdu ay jiho ka bixin doonto howlaha dhismaha ee u baahan lacagaha qalaad, waxaana la tilmaamay in si dhow loola socon doono mashruucan. Sidoo kale, masuuliyiinta labada hay’adood waxay kaloo booqdeen hannaanka dhismaha garoonka.

Addis Ababa, Naaf/Nahaase, 07/2016T.I.(ENA): Taamraat Tolaa oo ah halyeygii ku guulaystay bilada dahabka ah ee orodka marathon-ka ee raga ee ciyaarihii olombikada Paris 2024, ayaa u mahad celiyay Orodyahan Siisaay Lamaa oo u ogolaaday inuu ka qayb galo tartanka. Tamrat Tola waxa uu sidaasi ka sheegay madashii lagu soo dhawaynayay waftigii iyo orodyahannadii Itoobiya ee ku guulaystay kana qayb gashay ciyaarihii Olombikada Paris markii ay saaka soo gaadheen magaalada Addis Ababa. "Orodyahan Siisaay Lamaa waa walaalkay! Waxaan wada soconay ilaa iyo Addis Ababa. Orodyahanka ayaa sheegay inaysan xaaladiisu caafimaad fiicnayn. Waxaan uga mahadcelinayaa fursadda uu ii siiyey inaan ciyaaro, isagoo tilmaamay inaysan ahayn inuu qarsado xanuunkiisa oo uu ordo” ayuu yiri Orodyahan Taamraat Tolaa. Ugu dambayntii Ciyaaraha Olombikada Paris ee 33-aad ee sanadkan 2024, Itoobiya waxay aruursatay 4 biladood oo kala ah 1 Dahab ah iyo 3 qalin ah, waxayna ku dhameysatay ciyaarta kaalinta 47-aad ee adduunka iyo kaalinta 4-aad ee qaarada Afrika.

Addis Ababa, Naaf/Nahaase, 07/2016T.I.(ENA): Orodyannadii iyo wafdigii ka qeyb galay ciyaarihii Olombikada Paris ayaa lagu soo dhaweynayaa garoonka diyaaradaha ee caalamiga ah ee Boole.   Sida la wada ogsoon yahay dalka Itoobiya ayaa ku dhameystay tartankii Olombikada Paris iyadoo kaalinta 47-aad kaga jirta caalamka iyadoona heshay hal dahab iyo saddex billadood oo qalin ah.  

Ciyaarihii Olombikada ee Paris 2024, Orodyahanka Halyeyga ah ee Taamrat Tolaa ayaa markale kor u qaaday sharafta calankeena, isagoo ku guuleystey dahab ciyaartan maratoonka. Hambalyo!- Ra’iisul Wasaare Abiy Axmed (Dr.)

Addis Ababa, Naaf/Nahaase, 04/2016T.I.(ENA): Orodyahann Tamrat Tola ayaa ku guulaystay bilada dahabka ah ee Itoobiya markii ugu horaysay ee orodka marathon-ka ee ragga ee ciyaartii 33-aad ee Olombikada ka dhacaya Paris.   Tamrat ayaa jabiyay rikoorka Olombikada isagoo orday 2 saac 6 daqiiqo iyo 26 ilbiriqsi.   Orodyahanka Dharesa Geleta ayaa ku dhameystay kaalinta shanaad halka uu kaalinta 39-aad galay ruug cadaaga weyn ee Qananiisaa Baqala.

Addis Ababa, Naaf/Nahaase, 01/2016T.I.(ENA): Ciyaaraha Olombikada ee 33-aad, waxaa tartanks 5,000 ee mitir ee ragga finalka u gudbay orodka Orodyahannada kala ah Xaagos Gabrahiywat, Adhisu Yihunena iyo Biniyaam Mahari.   Ciyaarta kama dambaysta ah ayaa waxaa la qaban doonaa Sabtida 4ta Naaf/Nahaase 2016T.I, saacadu markay tahay 2.50 (8:50) fiidnimo.

Addis Ababa, Naaf/Nahaase, 01/2016T.I.(ENA): Orodka 3000m ee ragga ayaa maanta la qaban doonaa, waxaana ka qeyb galaya Orodyahanada u dhashay dalka Itoobiya ee Lamejaa Girmaa, Getinat Waale iyo Samu'eel Firew. Tartankun waxa uu bilaaban doona 4:43 (10:43) fiidnimo.  

Addis Ababa, Afagaal/Hamle, 30/2016T.I.(ENA): Wasaaradda Dhaqanka iyo Ciyaaraha iyo Shirkadda Dhismaha ee Shiinaha ayaa kala saxeexday qandaraas lagu dhisayo wajiga Labaad ee qaybta 1aad ee garoonka weyn ee ciyaaraha Qaranka. Xogta ay Wasaaraddu soo saartay ayaa lagu sheegay in heshiiskan ay ka mid yihiin qabashada shaqooyinka qaybta madaniga ah, Baarkinka baabuurta, waddooyinka, rakibaada kuraasta garoonka, qaybta korontada iyo dhismaha qaybta dhulka. Ugu dambayntii waxaa la tilmaamay in shaqooyinka kale ee aan u baahnayn lacagta qalaad lagu fulin doono miisaaniyada dalka, dhawaana la guda geli doono shaacinta qandaraasyada iyo bilaabida shaqada.

Addis Ababa, Afagaal/Hamle, 30/2016T.I.(ENA): Ciyaaraha Olombikada ee 33-aad, wareegii koowaad ee isreeb-reebka 1500m ee haweenka, waxaa si toos ah ugu soo baxay semi-finalka tartanka orodyahannad Gudhaaf Tsegaaye iyo orodyahannad Dharbe Waltaji.   Orodyahanka Birqe Haylom ayaa mar kale u tartami doona semi-finalka wareegga labaad ee isreebreebka (Repechage Round) oo berri dhici doona. Ugu dambayntii Semi Final-ka ayaa laqaban doonaa maalinta Khamiista ah ee bishu tahay Naaf 2, 2016 saacadu markay tahay 2:35 (8:35PM).

Addis Ababa, Afagaal/Hamle, 30/2016T.I.(ENA): Ciyaaraha Olombikada Paris 2024 ayay Itoobiya waxay ku guulaysatay billad qalin ah orodka 800m ee dumarka. Ciyaarta kama-dambaysta ah ee 800m ee haweenka ayaa la qabtay xalay 4:47(10:47) fiidnimo, Orodyahannaf Tsige Dhuguma ayaana gashay kaalinta labaad, waxayna waddankeeda u keentay billad qalin ah.   Tartankan ayaa waxaa kaalinta lixaad baxday Orodyahannad Warqinash Masala.

Addis Ababa, Afagaal/Hamle, 29/2016T.I.(ENA): Tartanka 5,000 ee mitir ee haweenka ee ciyaaraha 33-aad ee Olombikada Paris, oo ay Itoobiya si weyn u sugayso ayaa la qaban doonaa caawa 4:15 (10:15) fiidnimo.   Orodyahannada Gudhaaf Tsegaaye, Ijigaayahu Taaye iyo Madiina Ciise ayaa ka tartami doona ciyaarta kama dambaysta ah ee qayb walba iyagoo matalaya Itoobiya.   Sidoo kale, ciyaarta kama dambaysta ah ee 800m ee haweenka ayaa la qaban doobaa 4:47(10:47) fiidnimo, waxaa ka tartami doonaa ciyaartan orodyahanad Tsige Dhugumaa iyo Warqinash Masala.   Intaa waxa dheer, sacadda 2:00(8:00) fiidnimo, waxa la qaban doonaa tartanka isreeb-reebka ragga ee 3,000 ee mitir.   Isla ciyaartan, waxaa ka qaybgalaya oo tartamaya orodyahan Lameejaa Girmaa, Geetinat Waala, iyo Saamu'eel Firew.