Addis Ababa, Xorrey/Tahsaas, 30, 2017 (ENA) Dhulgariir ku dhuftay Koonfur Galbeed ee gobolka Tibet ee dalka Shiinaha ayaa galaaftay nolosha 126 qof, waxaana ku dhaawacmay 188 qof. Musiibadan, ayaa kumanaan guri oo ku yaallay waqooyi Himalayas ay ku burbureen, in ka badan 30 kun oo dadka deegaanka ah ayaa loo raray meelo kale. Waxaa la sheegay in ilaa 407 qof lagoo badbaadiyay musiibadan. Waxaa la ogsoonyahay in madaxweynaha Shiinaha Xi Jinping uu shalay amray in la sameeyo gurmad ballaaran, waxaana weli socda gurmadka. Dhulgariirka ayaa la sheegay in uu ka qoto dheer yahay in ka badan 10 kiilo mitir, waxaana uu ka dhacay gobolka Shigatsi ee Tibet abbaare 7:00 oo habeenimo.    

Addis Ababa, Gudba/Hidhaar, 25/2017T.I.(ENA): Namibiya ayaa Madaxweynihii ugu horeeya ee haweeneey ah u dooratay inay noqoto madaxweyne, kadib markii ay ku guuleysatay doorashadii madaxtinimo ee dalkaas.   Iyadoo ay ka qayb galeen tartamayaal ka socday xisbiga talada haya ee SWAPO, ayaa madaxweyne loo doortay haweeneydii ugu horeeyey ee haweeneey ah. Sida uu sheegay Guddiga Doorashooyinka Namibiya, madaxweynaha ayaa heshay codad ka badan 57% codadka guud ee la dhiibtay.   Waxaa sidoo kale la sheegay in tartamayaasha kale ee ka qeyb galayay doorashada ay heleen 26% codadka guud ee la dhiibtay, sida ay tabisay BBC.

Addis Ababa, Gudba/Hidhaar, 10/2017T.I.(ENA): 13kii bishan November ayay ahayd markii guud ahaan Somaliland looga dareeray doorasho isku sidkan ee madaxweynenimo iyo xisbiyada. Hadaba waxaa madaxweynenimo ku tartamaya saddex musharax oo ka kala sharaxnaa saddex xisbi oo kala ah Kulmiye oo ah xisbiga todobadii sano ee lasoo dhaafay talada hayay uuna ka sharaxnaa Muuse Biixi Cabdi, halka xisbiga Wadani uu ka sharaxnaa Cabduraxmaan Maxamed Cirro iyo sidoo Faysal Cali Waraabe ok ka sharaxnaa xisbiga ucid. Shacabweynaha Somaliland ayaana sidoo kale u codeeyey xiabiyada dalka iyadoo ay xisbinimo ku guulaysteen xisbiyada kala ah: Wadani, Kulmiye iyo Kaah.

Addis Ababa, Dirir/Tiqimt, 20/2016T.I.(ENA): Ugu yaraan 51 qof ayaa ku dhintay daadad ka dhashay roobab xooggan oo ka da’ay magaalada Falenshiya ee dalka Spain.   Guddoomiyaha aagaas Kaarlos Masoon ayaa sheegay in 1,000 askari iyo samatabixiyeyaal badan la geeyay goobta shilka. Waxa uu tilmaamay in 51 qof ay ku dhinteen shilkaasi ilaa iyo hadda waxa uuna tilmaamay in laga yaabo in dhimashadu ay intaasi ka badato. Warbaahinta France 24 ayaa ku warantay in sidoo kale la hakiyay tareenada iyo gaadiidka cirka sababo la xiriira fatahaada aagga.

Addis Ababa, Afagaal/Hamle, 08/2016T.I.(ENA): Ra'iisul Wasaaraha JDFI Dr. Abiy Axmed ayaa muujiyay sida uu uga xunyahay iskudaygii dil ee lagula kacay madaxweynhii hore ee dalka Maraykanka Donald Trump.   Ra'iisul Wasaaraha JDFI Dr. Abiy Axmed ayaa fariin u soo dhigay bartiisa baraha bulshada ku cadeeyey sida uu uga xunyahay isku daygii dil ee lagula kacay Madaxweynihii hore ee dalka Maraykank Donald Trump, xilli uu ku jiray ol'ole doorasho. Ra'iisul wasaaraha ayaana u rajeeyay in uu kasoo kabsado dhaawici soo garay.

Addis Ababa Ginboot Ginboot 12/2016 (ENA):-Madaxweyne Ibrahim Raisi iyo wasiirkii arrimaha dibadda, Hossein Amir Abdullahi ayaa ku dhintay shil diyaaradeed, sida ay qortay wakaaladda wararka ee Reuters. Warbixintu waxa ay tilmaantay in afar qof oo ka mid ahaa dadkii la socday diyaaradaasi ay ku dhinteen shilkii diyaaradeed ee shalay. Madaxweynaha ayaa ku sii jeeday magaalada Tabriz si uu xariga uga jaro labo biyo xireen oo laga dhisay meel u dhow xadka u dhaxeeya Iran iyo Asarbayjaan markii uu shilku dhacay. Diyaaradda Helicopterta-ah ayaa ku burburtay meel 50 KM u jirta magaalada Tabriz, waxaana la tilmaamay in cimilo aan wanaagsanayn oo halkaasi ka jirtay ay ku adkaatay kooxda gurmadka. Sidoo kale waxaa la sheegay in baaritaan kadib diyaaraddii Helicopter-ka ah ee ay saarnaayeen Madaxweynaha iyo Wasiirka oo laga helay dhulka buuraleyda ah iyo barafka.

  Addis Ababa; Magaabit 30/2016 (ENA): In ka badan 90 qof oo ay ku jiraan caruur ayaa ku dhintay doon ku dagtay xeebaha waqooyiga dalka Mozambique. Saraakiisha dalkaasi ayaa ku dhawaaqay in doon ay saarnaayeen 130 qof ay ku degtay gobolka Nampula ee waqooyiga dalka Mozambique.   Saraakiisha ayaa sheegay in shilkan uu yimid kadib markii dadka deegaanka ay raaceen dooni ay uga cararayeen cudurka daacuunka ee ka dilaacay gobolka, islamarkaana ay u socdeen deegaano kale.BBC ayaa sheegtay in in ka badan 90 qof oo ay ku jiraan carruur ay dhinteen. Wararka ayaa intaas ku daraya in hadda shilkaas laga soo badbaadiyay shan qof, iyadoo lagu dadaalayo sidii dad badan loo badbaadin lahaa. Warbixinta ayaa sidoo kale tilmaamaysa in gobolka Nampula uu ka mid yahay meelaha uu sida xun u saameeyay cudurka daacuunka ee ka dillaacay Mozambique sannadkii hore.

Addis Ababa; January 03/2016(SDN)- Waxaa lagu xasuusan doonaa in Ra’iisul Wasaare Abiy Axmed (Dr.) iyo Madaxweynaha Somaliland Muuse Biixi Cabdi ay kala saxiixdeen heshiis is-afgarad ah oo u ogolaanaya Itoobiya inay yeelato deked badeed. Heshiisku waxa uu dhigayaa in Itoobiya ay hesho kiro dhul ah oo u sahlaya inay dhisato deked iyo saldhig ciidan, halka Somaliland ay saami ka heli doonto shirkadda horumarinta Itoobiya. African News oo si weyn u falanqaysay heshiiskii is-afgaradka ahaa ee ay kala saxeexdeen Itoobiya iyo Somaliland, ayaa tilmaantay in heshiiskan uu faa’iido weyn u leeyahay dhinacyada dhaqan-dhaqaale. Waxaa la arkayaa in heshiiskan uu Itoobiya u sahlayo in ay hesho albaab badeed oo ay ballaariso marinkeeda suuqa iyada oo la siinayo deked dheeraad ah oo wax soo saarkeeda lagu keydiyo. Itoobiya oo ay ku nool yihiin dad aad u tiro badan, isla markaana ah waddan dhaqaale badan leh, ayaa lagu soo gebagebeeyey heshiis muhiim ah, waxaanay warbixintu sheegtay in heshiiskani uu xoojinayo xidhiidhka bulsho, dhaqaale iyo siyaasadeed ee Itoobiya iyo Somaliland. Sida Cali Hojij oo ah khabiir sare oo ku xeel dheer dhaqaalaha gobolka iyo arrimaha la xidhiidha ayaa warbixinta ku tilmaamay in Itoobiya oo ah mulkiilaha dhaqaalaha baaxadda leh ee gobolka iyo dadwaynahaba looga baahan yahay inay qaado tallaabooyin dhinacyo badan leh oo ku habboon horumarka ay ku socoto. Waxa uu wasiirku ku micneeyey in heshiiska ay Somaliland la galeen uu yahay tallaabo muhiim ah oo aan xoojinayn xidhiidhka labada dhinac, balse uu balaadhinayo isticmaalka dekedda oo Jabuuti oo keliya ahayd. Khabiirka ayaa sheegay in heshiiskan uu dhacay markii ay Itoobiya ku biirtay dalalka BRICS, uuna yahay mid guul weyn kasoo hooyay, isla markaana uu muujinayo waxqabadka istaraatiijiyadeed ee Itoobiya sanadkan.   Waxa kale oo ay sheegeen in heshiiskani uu u sahli doono Itoobiya inay ballaadhiso xidhiidhka dhinacyo badan leh ee ay la leedahay dalalka xubnaha ka ah BRICS. Khabiirkan ayaa sheegay in heshiiskan uu fure u yahay ka qayb qaadashada dhaqdhaqaaqyada ganacsi ee gayiga iyo bariga dhexe. ​