In ka badan 2 milyan oo fursado shaqo abuur ah ayaa loo sameeyey muwaadiniinta lixdii bilood ee lasoo dhaafay - Wasaaradda Shaqada iyo Xirfadaha, Itoobiya

Addis Ababa, Xorrey/Tahsaas 28/2017 (ENA): Wasaaradda Shaqada iyo Xirfadaha ee Itoobiya, ayaa sheegtay in lixdii bilood ee lasoo dhaafay in ka badan 2 milyan oo muwaadiniin ah loo abuuray fursado shaqo oo joogto ah.

Wasiiradda Shaqada iyo Xirfadaha Itoobiya Mufarixaat Kaamil oo u warantay Wakaaladda Wararka Itoobiya (ENA), ayaa sheegtay in fursadaha shaqo lagu gaadhsiiyay muwaadiniinta iyada oo la adeegsanayo barnaamijyo horumarinta xirfadaha, abuurista fursadaha shaqo, iyo xoojinta xiriirka u dhexeeya loo shaqeeyaha iyo shaqaalaha.

Waxay intaas ku dartay in shaqooyin joogto ah loogu abuuray muwaadiniinta, gudaha dalka iyo dibadda, iyadoo kuwa ka faa’iidaysan kara fursadaha kale ee soo baxana la diyaariyey.

Waxa kale oo ay sheegtay in lixdii bilood ee lasoo dhaafay guulo waaweyn laga gaadhay abuurista fursadaha shaqo, iyadoo laga soo saaray natiijooyin muuqda oo ku saabsan tirada shaqooyinka la sameeyey.

Intii lagu jiray lixdii bilood ee lasoo dhaafay, in ka badan 2 milyan oo qof ayaa shaqo joogto ah loogu abuuray gudaha dalka iyo dibadda. Waxaa ka mid ah 1.7 milyan oo shaqooyin abuur loogu sameeyey gudaha dalka, iyadoo 300,000 oo kalena shaqooyin loogu abuuray dalalka dibadda.

Barnaamijka tababarka digital-ka ee "5 Million Coders" ee uu ku dhawaaqay Ra’iisul Wasaaraha Itoobiya, Dr. Abiy Ahmed, ayaa si gaar ah uga qayb qaatay kobcinta xirfadaha casriga ah iyo abuurista fursadaha shaqo, ayay wasiiraddu sheegtay.

Mufarixaat Kaamil waxay xaqiijisay in qorshayaasha abuurista shaqooyinka ay sii socon doonaan bilaha soo socda.

Ugu dambaytnii, wasaaraddu waxa kale oo ay sheegtay in sanad-miisaaniyaddeedkan 2017 ay qorshaynayaan in fursado shaqo loo abuuro 4.9 milyan oo muwaadiniin ah oo ku kala sugan gudaha dalka.

#Itoobiya
#Wakaaladda_Wararka_Itoobiya