Shaqooyinka Kormeerka iyo Taageerada Federaalka waxay door muhiim ah ka ciyaarayaan horumarinta awoodda horumarka deegaanka – Mudane. Adan Faarax

Addis Ababa, Dharablay/ Tir 2017 (ENA) – Mudane Adem Farah, Madaxweyne Ku xigeenka xisbiga iyo Madaxa Xarunta Isku-xirka Dhismaha Dimuqraadiyadda lehna darajo Ra’iisul Wasaaraha-xigeen, ayaa sheegay in shaqooyinka kormeerka iyo taageerada federaalka ay door weyn ka ciyaarayaan ballaarinta awoodda horumarka deegaanada.

 

Kulan ay kusoo bandhigeen warbixinta qiimeynta waxqabadka hawlaha kormeerka ee xubnaha kooxda federaalka ayaa lagu qabtay magaalada Addis Ababa. Intii uu kulanku socday, xubnaha kooxda kormeerka waxay soo bandhigeen warbixintooda waxayna ka yeesheen dood wadajir ah.

Mudane Adan Faarax ayaa xusay in dowladda ay xooga saarayso xaqiijinta ka faa’iidaysiga horumarka ee cadaalada ah oo ay heli karaan muwaadiniinta, iyada oo diiradda la saarayo xaqiijinta adeegyada horumarineed ee laga hirgaliyay deegaanada.

 

Wuxuu sheegay in marka laga soo gudbo warbixinta iyo qiimeynta, hawlaha kormeerka iyo jawaab celinta ay si rasmi ah uga socdaan deegaanada, taas oo fursad u ah hirgelinta qorshayaasha iyo siyaasadaha dowladda si si dhab ah looga keeno natijooyin waxqabad iyo ballaarinta dadaalada guulaysiga leh.

Sidoo kale, wuxuu tilmaamay in la tirtirayo farqiga waxqabadka u dhexeeya deegaanada ay ka caawin karto in horumarka si caddaalad ah loo qaybiyo oo ay ka faa’iidaystaan muwaadiniinta.

Mas’uuliyiin heer sare ah oo ka qaybgalay kulanka ayaa ku celiyay muhiimadda ay leedahay isticmaalka awoodaha kormeerka ee jira si loo hormariyo shaqooyinka horumarineed.

 

 Wasiirka Xafiiska Ra’iisul Wasaaraha iyo Arrimaha Golaha Wasiirada, mudane Alemsehay Paulos, ayaa sheegay in kormeerka uu muhiim u yahay xallinta caqabadaha, fahamka baahiyaha shacabka, iyo fidinta dadaalada guulaha keenaya.

Wasiirka Shaqada iyo Xirfadaha, Marwo Muferihat Kamil, ayaa hoosta ka xarriiqday in kormeerka uu kaalin muhiim ah ka ciyaaro bixinta xalal waxtar leh oo toos ugu faa’iideynaya bulshada.

 

Sidoo kale, Wasiirka Qorsheynta iyo Horumarinta, Dr. Fitsum Assefa, ayaa xusay in meelaha la kormeeray ay kasoo baxeen natijooyin guul leh, halka meelaha kale ay caqabado ka muuqdeen, kuwaas oo xal waara u baahan.

Ugu dambeyn, Mudane Adan faarax ayaa ku booriyay in la sii xoojiyo isla xisaabtanka iyo hufnaanta shaqooyinka kormeerka, Wuxuu sidoo kale sheegay in loo baahan yahay in dadaallada lagu sii xoojiyo tababarrada iyo tayeynta shaqaalaha si loo gaaro natiijooyin waxtar leh.