Waxaa furmay kulamada xafiisyada heer Deegaan

Addis Ababa, Dharrabley/Tir (ENA)Waxaa furmay kulamada xafiisyada heer Deegaan oo loogu soo bandhigayo goldaloolooyinka ka jira dhanka mashaariicda & hawlaha ay bulshada u hayaan kaddib kormeerkii ay guddiyada joogtada ah ee Golaha Xildhibaannada DDS dhawaan kusoo mareen gobollada, degmooyinka & maamul-magaalooyinka DDS.

 

Afhayeenka Golaha Xildhibaannada DDS Marwo. Ayaan Cabdi Maxamed oo madasha furtay ayaa sheegtay in guud ahaan wakaaladaha & xafiisyada heer Deegaan ay guddigu wax ka waydiin doonaan shaqooyinka ay shacabka u hayaan; loona baahan yahay inay jawaab cad ka bixiyaan dhaliilaha lasoo arkay.

 

Xafiiska Biyaha DDS & Xafiiska Horumarinta Xoolo-dhaqatada DDS oo lagu bilaabay kulamadani ayaa lasoo hordhigay dhaliilihii ay guddigu kusoo arkeen kormeerka, halka ay hoggaaminta xafiisyadaasina jawaabo ka bixiyeen su’aalihii madasha laga waydiiyay shaqooyinka ay shacabka Deegaanka u hayaan.