Itoobiya iyo Kyrgyzstan oo ku heshiiyeen inay si wadajir ah uga shaqeeyaan iskaashiga Koonfur ilaa iyo Koonfur

Addis Ababa, Dharrabley/Tir 8/2017 (ENA): Itoobiya iyo Kyrgyzstan ayaa ku heshiiyay inay sii xoojiyaan iskaashiga ay ku leeyihiin madalaha caalamiga ah, iyagoo diiradda saaraya iskaashiga Koonfur ilaa iyo -Koonfur si wadajir ah.

Wasiiru Dowlaha Arrimaha Dibadda ee Itoobiya, Danjire Misgaanu Argaa, ayaa kulan la yeeshay dhiggiisa Kyrgyzstan, Asiyef Isayef, kulankaas oo ka dhacay Wasaaradda Arrimaha Dibadda ee Itoobiya.

 

Intii lagu guda jiray wada hadallada, labada dhinac waxay ka doodeen arrimo la xiriira xoojinta xiriirka labada dal iyo ajandayaasha lagu horumarinayo iskaashiga labada dhinac.

Kyrgyzstan ayaa sidoo kale soo jeedisay inay furto safaarad ay ku leedahay Addis Ababa, taasoo ka qayb qaadan karta xoojinta xiriirka ay la leedahay Itoobiya iyo guud ahaan qaaradda Afrika.

 

Labada dhinac waxay carrabka ku dhufteen muhiimadda iskaashiga ay ku leeyihiin madalaha caalamiga ah, waxayna ku heshiiyeen inay si wadajir ah uga shaqeeyaan iskaashiga Koonfur ilaa iyo Koonfur ee mustaqbalka dhow.

Sidoo kale, Wasiiru Dowlaha Arrimaha Dibadda ee Kyrgyzstan, Asiyef Isayef, ayaa Wasiiru Dowlaha Arrimaha Dibadda Itoobiya u gudbiyay farriin rasmi ah oo ka siday Madaxweynaha Kyrgyzstan.

 

Waxay sidoo kale isla garteen in la diyaariyo heshiisyo rasmi ah oo saldhig u noqon doona xiriirka labada dal si loo xoojiyo iskaashiga mustaqbalka.

#Wakaalada_Wararka_Itoobiya
#Itoobiya