Wadahadal lagu xoojinayo fulinta heshiiska horumarinta aasaasiga ah ee aqoonta ee lala galay Talyaaniga ayaa qabsoomay

Addis Ababa, Dharrabley/Tir 8/2017 (ENA): Wadahadal lagu xoojinayo dhaqangelinta heshiiskii horumarinta aasaasiga ah ee aqoonta ee u dhexeeyay Itoobiya iyo Talyaaniga ayaa la qabtay.

Wasiirka Shaqada iyo Xirfadaha, Mufarixaat Kaamil, ayaa sheegtay in wadahadal miro-dhal ah ay la yeesheen wafdi ka socda dowladda Talyaaniga, kaasoo lagaga wadahadlay sidii loo dhaqangelin lahaa heshiiskaas.

 

Wadahadalka ayaa lagu gorfeeyay qorshaha shaqo-abuurka iyo hirgelinta horumarinta aasaasiga aqoonta, iyada oo la dejiyay jihada shaqooyinka soo socda ee lagu fulinayo heshiiska. Wasiir Mufarixaat ayaa xustay in heshiiska uu diiradda saarayo shaqo-abuurka dhalinyarada iyo haweenka, laguna siinayo xirfadaha ay u baahan yihiin si ay u galaan suuqa shaqada.

 

Sidoo kale, waxa la sheegay in Itoobiya ay ku hawlan tahay dhismaha "Seerada Aqoonta" oo ah mid gaar ah oo noocaas ah oo ku yaalla Afrika, taasoo kaalin weyn ka qaadanaysa iskaashiga labada dhinac iyadoona kor u qaadaysa barwaaqada, horumarka iyo xasilloonida Itoobiya

Ugu dambayntii, wasiirka ayaa uga mahadcelisay Safaaradda Talyaaniga ee Itoobiya iyo hay’adaha kale ee ku hawlan hirgelinta heshiiska dadaalka ay ku bixiyeen sidii uu u hirgali lahaa.

#Wakaalada_Wararka_Itoobiya
#Itoobiya