Madaxa Xafiiska Ganacsiga iyo Gaadiidka DDS oo war saxaafadeed ku qabtay xafiiskiisa ayaa ka hadlay arrimaha ku sabasan shidaalka Deegaanka

Addis Ababa, Cuur/ Magaabiit 18/2017 (ENA): Madaxa Xafiiska Ganacsiga Iyo Gaadiidka DDS Mudane. Cabdixakiin Sheekh Xasan ayaa sheegay in Deegaanka 9kii bilood ee la soo dhaafay ay u qorshaysnayd in ay soo gaadhaan 2,171 booyadood oo naafto ah halka ay soo gaadheen 1,818 booyadood sidoo kale halka Baasiinka ay qorshaysnayd in Deegaanka soo gaadhaan 1,073 booyadood ay soo gaadheen 813 booyadood 9kii bilood ee la soo dhaafay. 

Mudane C/xakiin ayaa sheegay in Deegaanka ay ku yaalaan 200 oo kaalmood taasoo ay shaqeeyaan 170 kaalmood oo ku yaalla guud ahaan Deegaanka. Sidaas darteed dhammaan qaab dhismeedyada kala duwan ee xafiiska ay ka masuul tahay inay tallaabo sharciga ka qaado cid walba oo tacriif sharci darro ah samaysata.

Masuulka ayaa sheegay in bulshadu ay xil iska saaraan sidii loola dagaallami lahaa tacriifka sharci darrada ah ee ay kaalmuhu samaysanayaan. 

Waxa uu sheegay in sababaha ayna u dhaqan galin jaangoonta shidaalka ay tahay in ayna hadda kahor wax sharci ah u degsanayn sharci loo cuskanayo kaalmaha shidaalka halka wakhti xaadirkana la sameeyay sharci ama bayaan lagaga tallaaba qaadayo cid walba oo shidaalka meel ka baxsan kaalmaha shidaalka ku iibinaysa taasoo lagu xukumi doono 3 sano oo xabsi ah iyo ganaax lacageed sidoo kale ciddii tayada shidaalka wax u dhinta in iyadana xukun kala duwan ah ay mutaysan doonto.

Ugu dambayntii, Masuulka ayaa sheegay in ay qabanayaan fagaarayaal bulshada lagu wacyi galiyo si meesha looga saaro habacsanaanta ka jirta helitaanka shidaalka si meesha looga saaro shirci darrada shidaalka lagula kacayo.