Waxaa la hirgalinayaa hannaan lagu tayeynayo maareynta miisaaniyadda dawladda

Addis Ababa, Cuur/ Magaabiit 18/2017 (ENA): Wasaaradda Maaliyadda ayaa sheegtay in la hirgalinayo hannaanka maareynta miisaaniyadda dawladda si uu u noqdo mid wax-ku-ool ah.

Hannaankan ayaa la tilmaamay inuu yahay hab la yiraahdo ‘Koontada Khaaska ah ee Kaydka, taas oo suurtagal ka dhigaysa in dhammaan dakhliga dawladda lagu ururiyo hal xisaab/koonto si si hufan loogu adeegsado adeegyada muhiimka ah.

 

Waxaa la xusay in nidaamkani uu fududaynayo in la ogaado qadarka hantida dawladda, isla markaana uu mideynayo habka kaydinta iyo maamulidda dhaqaalaha si uu u noqdo mid hal goob lagala socon karo.

Wasiiru Dowlaha Maaliyadda, Dr. Iyoob Takaaliny, ayaa sheegay in nidaamkani uu abuuri doono hannaan casri ah oo lagu maareeyo dhaqaalaha dawladda, isla markaana uu hagaajin doono shaqada la xariirta kormeerka iyo isla-xisaabtanka.

 

Dr-ku wuxuu xusay in nidaamkani uu dhammaan koontooyinka kala duwan ee dawladdu mideyn doono, ayna ka bilaaban doonto heer federaal, ka dibna loo gudbin doono deegaannada iyo maamul magaqlooyinka dalka.

Ugu dambeyn, wuxuu ugu baaqay dhammaan dhinacyada ay khuseyso inay qaataan mas’uuliyadda si loo hirgeliyo hannaankan loona xaqiijiyo waxtarkiisa.