Wakaaladda Korontada Itoobiya ayaa sheegtay in laga hirtagayo in korontadu ay tagto inta lagu jiro Ciidul-Fitr

Addis Ababa, Cuur/ Magaabiit 19/2017 (ENA): Wakaaladda Korontada Itoobiya ayaa sheegtay inay waddo dadaallo hore loogu diyaargaroobayo si loo yareeyo dhibaatooyinka la xiriira koronto la’aanta inta lagu jiro munaasabadda Ciidul-Fitr.

Wakaaladdu waxay tilmaantay in la qaadayo tallaabooyin lagu hubinayo in aysan dhicin koronto la’aan baahsan maalinta ciidda iyo maalmaha ka horeeyaba. Haddii ay dhacdo cilad, kooxaha farsamada ayaa si degdeg ah uga jawaabi doona si loo sameeyo dayactir degdeg ah.

Waxaa la samaynayaa qorshayaal lagu qiimeynayo goobaha ay inta badan ka dhacaan koronto la’aan si loogu hagaajiyo culeyska korontada ee khadka dhexe iyo kan hoose. Intaa waxaa dheer, tallaabooyin horudhac ah ayaa la qaadayaa si loo xakameeyo ciladaha iman kara.

Wakaaladdu waxay ugu baaqday macaamiisheeda inay adeegsadaan korontada inta lagu jiro saacadaha ay isticmaalkeedu yar tahay, gaar ahaan inta u dhexeysa 4:00 fiidnimo ilaa 12:00-ka subaxnimo.

Sidoo kale, wakaaladdu waxay xasuusisay shacabka inay hubiyaan in qalabka korontada guryaha yaalla uu yahay mid badbaado leh oo aan sababi karin khataro.

Ugu dambayntii, wakaalada ayaa cidkasta oo ay la soo gudboonaato cilado la xiriira korontada waxaa lagu wargeliyay inay toos ula xiriiraan xarumaha ugu dhow ee wakaaladda ama ay wacaan lambarrada adeegga bilaashka ah ee 905 iyo 904.