Dadka muslimiinta ah waa inay sii wadaan bilaha kale acmaashii wanaagsanayd ay qabanayeen intii ay ku guda jireen bisha Ramadaan – Sheekh Xaaji Ibraahim Tufa

Addis Ababa, Cuur/Magaabiit 20, 2017 (ENA): Guddoomiyaha Golaha Sare ee Arrimaha Islaamka Itoobiya Sheekh Xaaji Ibraahim Tufa ayaa sheegay in acmaashii wanaagsanayd ee ay dadka Muslimiinta ahi qabanayeen intii ay ku guda jireen bisha Ramadaan in sidoo kale la sii wadaan bilaha kale.  

Gudoomiyaha Golaha Sare ee Arimaha Islaamka Itoobiya Sheekh Xaaji Ibraahim Tufa ayaa war saxaafadeed ka bixiyay Munaasabada Ciidul Fidriga ee sanadka 1446 ee Hijriyada, ayaa dhambaal hambalyo oo munaasabadda ciidul fidriga u diray dadka muslimiinta.

Waxa uu sheegay in bisha Ramadaan laga bartay is-jacayl, wadajir, is-taageerid, sidaas darteedna in dadka Muslimiinta ah marka ay u dabaal dagayaan Ciidul Fidriga, loo baahan yahay in la isu kaalmeeyo oo dadka danyarta wax lala qeybsado, sidii ay yeeleen xilligii soonka.

Waxa kale uu tilmaamay in nabaddu ay lagama maarmaan u tahay horumarka guud ee dalka, islamarkkana in qof kasta oo muwaadin ah uu kaalintiisa ka qaato sidii nabad waarta loogu dhisi lahaa.          

Sidoo kale, Golaha Sare ee Arrimaha Islaamka ee magaalada Addis Ababa ayaa dhambaal hambalyo ah u diray dhammaan dadka muslimiinta.

Guddoomiye ku xigeenka Golaha Sheekh Fatxuddiin Xaaji Zeynu iyo Xoghayaha Guud ee Golaha Sheekh Xuseen Bashiir ayaa dhambaal hambalyo ah ka soo jeediyay munaasabadda.

Xoghayaha guud ee golahaasi Sheekh Xuseen Bashiir ayaa ku nuux-nuux saday in sidoo kale la xoojiyo is-garab-taagga, iskaashiga, is-taageeridda iyo wax-wada-qabsiga ee lagu arkay kor u qaadista qiyamka Islaamka ee xilliga soonka, ayna tahay in lagu ciido iyada oo laga xoojjinayo nabadda, is-jaceylka, wadajirka iyo walaalnimada.

Golaha sare islaamka Addis Ababa ayaa qabanqaabo la sameeyay dhalinyaro, haween iyo hay’ado kala duwan iyo sidoo kale qeybaha kala duwan ee dowladda si loo xaqiijiyo in munaasabaddan nabad lagu xuso.

Waxa uu ugu baaqay ka soo qeyb galayaasha xaflada in ay si wanaagsan u gutaan waajibaadka ka saaran ilaalinta diinta islaamka, iyagoo dhowraya awaamiirta ay siinayaan laamaha amniga.