Waxaa laga Shaqeyn dhisida jiil Wax-soosaar Leh Iyadoo Si Degdeg ah Looga Jawaabayo Nafaqo-darrada hagaaska Carruurta ee Afrika – Mudane Demeke Mekonnen - ENA Af-Soomaali
Waxaa laga Shaqeyn dhisida jiil Wax-soosaar Leh Iyadoo Si Degdeg ah Looga Jawaabayo Nafaqo-darrada hagaaska Carruurta ee Afrika – Mudane Demeke Mekonnen
Addis Ababa, Cuur/Megabit 20/2017 (ENA): Waa in fiiro gaar ah la siiyo wax-ka-qabashada Hagaaska carruurta ee Afrika iyadoo laga bixinayo jawaabo degdeg ah laguna dadaalayo abuurista jiil wax-soosaar leh, sida uu sheegay mudane Demeke Mekonnen, aasaasaha iyo xubin ka tirsan guddiga ADAM Foundation.
Shirweynaha caalamiga ah ee halkudhig looga dhugay “Koboca Nafaqada” ayaa lagu qabtay magaalada Paris, France.
Madashan ayaa waxaa kasoo qaybgalay Hoggaamiyeyaasha Afrika, iyo mudane Demeke Mekonnen, oo ah xubin ka tirsan guddiga ADAM Foundation.
Mudane Demeke ayaa khudbaddiisa shirkan ku xusay muhiimadda ay leedahay in la qaado tallaabooyin looga hortagayo Xagaaska kudhaca carruurta ka yar laba sano ee Afrika, iyada oo laga faa'iideysanyo awoodda muwaadiniinta, lagana shaqeeyo dhisida jiil wax-soosaar leh.
Sidoo kale, wuxuu carrabka ku adkeeyey in ADAM Foundation ay si hagar la’aan ah ugu shaqeynayso in yoolalka shirweynaha Kobaca Nafaqada (N4G) la waafajiyo, iyada oo la hubinayo in sameeyayaasha siyaasadda, hay’adaha maaliyadeed, iyo daneeyayaasha ay mudnaan siiyaan nafaqada.
Intii uu socday shirkan, mudane Demeke wuxuu sidoo kale la yeeshay wadatashiyo rasmi ah mas’uuliyiin kala duwan iyo bahwadaag caalami ah.
Xubin ka tirsan guddiga aasaaska ayaa la kulmay Boqor Letsie III ee Lesotho, oo sidoo kale ah wakiilka sare ee Midowga Afrika ee arrimaha nafaqada, iyo Afsan Khan, Kaaliyaha Xoghayaha Guud ee Qaramada Midoobay iyo Isuduwaha Dhaqdhaqaaqa “Kor u Qaadista Nafaqada.”
Waxaa la qabtay sidoo kale Munaasabad dhinacsocotay oo oo la xidhiidha geeddi-socodka Ballanqaadka Sukuta ayaa la qabtay intii uu socday shirku, sida ay sheegtay Safaaradda Itoobiya ee Paris.
Waxaa xusid mudan in ADAM Foundation, oo uu aasaasay Raysal Wasaare Kuxigeenkii hore iyo Wasiirkii Arrimaha Dibadda mudane Demeke Mekonnen, si rasmi ah loo daah-furay Tahsas 2017 E.C.
Aasaaska wuxuu si firfircoon uga shaqeynayaa yoolka ugu weyn ee ah ciribtirka nafaqo-xumada Afrika.
#Wakaaladda_Wararka_Itoobiya #ENA #Itoobiya