Itoobiya iyo Bangiga Adduunka ayaa kala saxiixday heshiis deeq iyo deyn ah oo gaadhaysa 96.367 milyan oo doollar

Addis Ababa, Cuur/ Magaabiit 22/2017 (ENA): Itoobiya iyo Bangiga Adduunka ayaa kala saxiixday heshiis deeq iyo deyn ah oo gaadhaya 96,367,000 milyan oo doollar ama 12.5 bilyan oo Birr, si wax looga beddelo nidaamka waxbarashada.

Heshiiska waxa kala saxiixday Wasiirka Maaliyadda, Axmed Shide, iyo Agaasimaha Bangiga Adduunka ee Bariga Afrika, Maryam Salim.

Heshiiskan waxa uu ka kooban yahay 50 milyan oo doollar oo Bangiga Adduunka bixiyay qaab deyn ah iyo 46.367 milyan oo doollar oo laga helay Sanduuqa Iskaashiga Waxbarashada Caalamiga ah (GPE) qaab deeq ah.

Warbixinta wasaaradda ayaa sheegtay in deeqdan loo qoondeeyay sidii waxbarashada heerka sare iyo midda hoose loogu heli lahaa fursad siman.

Gaar ahaan, waxa lagu bixin doonaa tababarka macallimiinta fasallada 1-aad ilaa 6-aad, kobcinta aqoonta macallimiinta cusub, iyo barnaamijyo ku xiran nidaamka waxbarasho ee cusub.

Sidoo kale, waxaa xooga la saarayaa horumarinta hoggaamiyeyaasha dugsiyada, xoojinta haweenka hoggaamiyeyaasha ah, iyo horumarinta nidaamka waxbarasho ee ku salaysan tiknoolajiyadda dijitaalka ah.