Duqa Maamulka Magaalada Addis Ababa Adhaanej Abebe ayaa daah-furtay 100 Bas oo Koronto ku Shaqeeya

Addis Ababa, Cuur/ Magaabiit 24/2017 (ENA): Maamulka Magaalada Addis Ababa, ayaa si rasmi ah ay uga shaqo bilaabayaan adeegga 100 bas oo koronto ku shaqeeya, kuwaas oo ah gaadiidka dadweynaha.

Duqa Maamulka Magaalada ayaa caddeysay in maamulka magaalada si firfircoon uga shaqeynayo xallinta caqabadaha gaadiidka ee bulshada.

 

Waxay sidoo kale tilmaantay in maanta ay suurtagal noqotay in 100 bas oo cusub lagu daro adeegga gaadiidka dadweynaha, taasoo gacan ka geysan doonta yareynta wasakhowga hawada iyo wax ka qabashada isbeddelka cimilada.

Basaskan waxaa lagu hirgeliyey iskaashi ay wada yeesheen dowladda iyo ganacsatada.

Xilligan, magaalada Addis Ababa waxaa maalintii ka dhaqaynaya in ka badan 1,170 bas oo dadweynaha u adeega, sida ay maamulka magaalada xaqiijiyeen.

Munaasabadda daahfurka basaska cusub waxaa kasoo qeybgalay Duqa Magaalada Addis Ababa Adhaanej Abebe, Afhayeenka Golaha Baarlamaanka Addis Ababa Buseena Alqadir, Wasiirka Gaadiidka iyo Saadka Dr. Alemu Sime, masuuliyiin ka tirsan maamulka magaalada, iyo qaybaha kala duwan ee bulshada.

#WakaaladdaWararkaItoobiya #Itoobiya #Gaadiid #AddisAbaba #Adeeg