Munaasabad sagootin ah ayaa loo qabtay Dhakhaatiir ku dhawaad mudo todobaad ah qaliinka wadnaha ka waday Cusbitaalka Takhasuska Darajada Sare ee Sheekh Xasan Yabarree ee Jigjiga

Addis Ababa, Cuur/ Magaabiit 23/2017 (ENA): Dhakhaatiirtan oo ka socotay Cusbitaalka Tuqur Ambassa ee Caasimada Addis Ababa ayaa waxay ku dhawaad mudo todobaad ah Cusbitaalka Takhasuska Darajada  Sare ee Sheekh Xasan Yabarree ka fuliyeen wareegii labaad ee ol'olaha qaliinka wadnaha oo ay ka faa'iideysteen caruur iyo dadka waaweyn ee la il darnaa xanuunada wadnaha.

 

Maareeyaha Cusbitaalka Takhasuska Darajada Sare ee Sheekh Xasan Yabarree Dr. Cabdulaahi Xuseen ayaa sheegay in qaliinka wadnaha oo ka mida qaliinada culus oo dadka kharash badan kaga bixi jiray goobo fogna loo aadi jiray ay ku guuleysteen in shacabka ay deegaankooda loogu keeno.

 

Qalinada noocana marka laga yimaado caasimadda Addis Ababa uu Deegaanka Soomaalidu noqday Deegaanka ugu horeeyay ee laga fuliyay qaliinkan, islamarkaana uu cusbitaalku yeeshay wakhtigan qalab dhameystiran oo lagu fulin karo qaliinnada wadnaha. 

 

Dhankiisa, Dr. Ababe Besabeh oo hogaaminayay Dhakhaatiirtan fulinaysay qaliinka wadnaha ayaa bogaadiyay dadaalka ay sameeyeen hogaaminta iyo hawlwadeenada Cusbitaalka Takhasuska Darajada Sare ee Sheekh Xasan Yabarree in shacabka Deegaanka ay adeegaan qaliinka wadnaha oo ah adeeg muhiima ay kusoo kordhiyaan Deegaanka, wuxuuna intaasi raaciyay inay diyaar u yihiin sii adkeynta wadashaqeynta ka dhaxaysa iyo sidii uu Cusbitaalku u bilaabi lahaa qaliinka wadnaha maadaama uu wakhtigan haysto qalab dhamaystiran.