Komishinka Wadatashiga Qaran ayaa kulan la yeeshay Wakiilada Hay’adaha kala duwan ee deegaanka Amxaarada

Addis Ababa, Cuur/ Magaabiit 23/2017 (ENA): Komishinka Wadatashiga Qaran ee Itoobiya ayaa kulan  la xiriira ajandaha wadatashiga la yeeshay wakiilo kala duwan, iyadoo ay kasoo qayb galeen wakiillo ka socday hay’adaha kala duwan ee deegaanka Amxaarada.

Kulankan waxaa lagaga hadlay arrimaha ku saabsan nooca wadatashiga, ujeedada guud, iyo sidoo kale habka iyo nidaamka ajandaha iyo habka loo ururinayo talooyinka.

Wakiillada ka socday hay’adaha kala duwan ee deegaanka ayaa waxaa sidoo kale la siiyay faahfaahin ku saabsan sida loo dhameystiri karo ajandaha wadatashiga iyo habka loo qaadanayo go’aannada.

Sida ay ku xuseen xogta komishinka, wakiillada deegaanka ee ka socday bulshada deegaanka ayaa bilaabi doona diyaarinta ajandahooda 2 Duugato/Miyasiya 2017, iyadoo ay weheliyaan wakiillo ka socda komishinka.