Xuska 7aad ee isbedelkii qaran ayaa Ka Qabsoomay Degmada Mayumuluuqo

Mayumuluuqo, Cuur/ Magaabiit 24/2017 (ENA): Waxaa degmada Mayumuluuqo ka qabsoomay Xuska sanadguurada 7aad ee isbedelkii qaran, kaasoo ay ka soo qeybgaleen hoggaaminta degmada, maamulka qabaleeyada, shaqaalaha dowladda, unugyada aas-aasiga ah, unugya hoosaadka, odayaasha degmada, haweenka, iyo dhalinyaradda.

 

Ujeeddada shirkan ayaa ahayd soo bandhigida iyo dood-cilmiyeed ku saabsan isbarbardhigga waxqabadka ka hor isbeddelka iyo kadibba. Intii uu shirku socday, xubnaha xisbiga waxay si qoto dheer uga doodeen waxqabadkii wanaagsanaa ee la gaadhay intii uu isbeddelku dhacay.

Sidoo kale, shirka waxaa lagu xusay sooyaalkii taariikheed ee ay soo martay degmada Mayumuluuqo iyo dhacdooyinkii ugu waaweynaa ee deegaanka ka dhacay.

Gabagabadii, xuska ayaa ku soo dhammaaday si habsami leh, waxaana la isku raacay in la sii xoojiyo horumarka iyo dadaallada lagu horumarinayo degmada.