ንምዕራፍ ምስ ቀረበት  ትኪ ዝተርኣያ ኣውሮፕላን ብዘይ ገለ ፀገም ዓሪፋ - መገዲ ኣየር ኢትዮጵያ

 

ኣዲስ ኣበባ/ ጥቅምቲ/6/ 2017 /ኢዜአ/ኣብ መዕርፎ ነፈርቲ ድሬዳዋ ንምዕራፍ ምስ ቀረበት  ትኪ ዝተርኣያ ኣውሮፕላን ብሰላም ከምዝዓረፈት መገዲ ኣየር ኢትዮጵያ ኣፍሊጡ።

ሎሚ መዓልቲ ካብ ኣዲስ ኣበባ ናብ ድሬዳዋ እናተጓዓዘት ዝነበረት ናይ መገዲ ኣየር ኢትዮጵያ ቁፅሪ በረራ  ET-248 ኣውሮፕላን ኣብ መዕርፎ ነፈርቲ ድሬዳዋ ንምዕራፍ ኣብ ምድላው እናሃለወት ካብታ ኣውሮፕላን ትኪ ከምዝተርኣየ ተገሊፁ፡፡

እታ ኣውሮፕላ ኣብ መዕርፎ ነፈርቲ ድሬዳዋ ብሰላም ብምዕራፍ መንገደኛታት ብዝተለመደ መልክዑ ካብታ ኣውሮፕላን ክወርዱ ከምዝኸኣሉ ሓበሬታ እቲ መገዲ ኣየር የመላኽት፡፡

ትኪ ዝተርኣየሉ ምኽንያት እናተፃረየ ከምዝርከብ ዝገለፀ እቲ መገዲ ኣየር÷ ንዝተፈጠረ ኩነታት ንመገደኛታት ይቐሬታ ሓቲቱ፡፡